श्रीनगरः श्रद्धालुहरूको फेरि अर्को समूह शुक्रवार बिहान कड़ा सुरक्षा व्यवस्थाबीच अमरनाथ तिर्थयात्राको लागि श्रीनगरको पंथा चौक आधार शिविरबाट प्रस्थान भयो। यी श्रद्धालुहरू बालटार र पहलगाम मार्गबाट अमरनाथ गुफा तर्फ जानको लागि प्रस्थान भएका छन्। यस अवधि श्रद्धालुहरूको बम-बम भोलेको जयघोषले सम्पूर्ण क्षेत्र नै गुञ्जयमान भयो।

जम्मूको भगवती नगर आधार शिविरबाट शुक्रवार तिर्थयात्रीहरूको कुनै पनि समूहलाई प्रस्थान गराइएन। जम्मूमा श्रद्धालुहरूको संख्या कम भएको कारणले आज यात्रालाई स्थगित गरिएको छ। एक दिनपछि शनिवार फेरि जम्मूबाट तिर्थयात्रीहरूको समूहलाई प्रस्थान गराइनेछ। गत १ जुलाईदेखि ६२ दिवसीय अमरनाथ यात्रा शुरू भएदेखि आजसम्ममा ४.२८ लाखभन्दा अधिक श्रद्धालुहरूले ३,८८० मीटर उच्चतामा अवस्थित अमरनाथ गुफा मन्दिरमा दर्शन गरिसकेका छन्।

-हिस