बंगलादेश छाडेर शेख हसिना अहिले दिल्लीमा बसिरहेकी छिन्। यस्तो अवस्थामा उनी बंगलादेश फर्कने कि होइन भन्ने सबैभन्दा ठूलो प्रश्न बनेको छl उनीहरु गए भने त्यहाँको नयाँ सरकारले उनीहरुलाई कस्तो व्यवहार गर्ने? उनको पार्टी अवामी लिगलाई के होला? के अन्तरिम सरकारले प्रतिबन्ध लगाउने हो? यी सबै प्रश्नको जवाफ अन्तरिम सरकारका गृहमन्त्री सेवानिवृत्त ब्रिगेडियर जनरल एम सखावत हुसेनले दिएका छन्। सेवानिवृत्त ब्रिगेडियर जनरल एम सखावत हुसैनले शेख हसिनाको पार्टी अवामी लिगमाथि प्रतिबन्ध लगाउने आफ्नो कुनै मनसाय नभएको बताएका छन्। उनले भने, ‘बंगलादेशका लागि अवामी लिगले ठूलो योगदान दिएको छ। यसलाई हामी अस्वीकार गर्दैनौं। जतिखेर पनि चुनाव आउँछ, लड्नु पर्छ। चुनाव लड्नुपर्छ।‘ जब उनलाई सोधियो कि शेख हसिनालाई फिर्ता ल्याउने विषयमा विचार गरिन्छ? यसबारे सखावत हुसैनले भने, ‘आफू फर्कने योजनामा बनाइरहेकी छिन्छु, तर किन गइन्? उनी आफ्नै स्वेच्छाले गइन्। यो तपाईको देश हो। तपाईं चाहानुहुन्छ भने फर्कन सक्नुहुन्छ। तर कृपया कुनै पनि प्रकारको समस्या सिर्जना नगर्नुहोस्। यसो गर्नुभयो भने रिस झनै बढ्छ। तपाई स्वदेश फर्कनुस् .. स्वागत छ।‘ सखावत हुसेनले सबै प्रदर्शनकारीहरूलाई चेतावनी दिए। एक साताभित्र अवैध हतियार बुझाउन भनिएको छ। यदि त्यसो नगरे उनीहरुलाई कडा कारबाही गरिने बताएका छन्। हजारौं प्रदर्शनकारीले अवैध हतियार जम्मा गरेका छन्। कतिपय पुलिस चौकीबाटै लुटिएका छन्। पुलिसमाथि  आक्रमण भइरहेको छ। हिन्दू र अल्पसंख्यकलाई निशाना बनाइन्छ। देशमा हिंसा फैलिएको छ।