अलिपुरद्वार: लगातारको वर्षाका कारण जल्दापाडाको शिशमारा नदीको बाँध भत्कन थालेको छ। अहिले धेरै ठाउँमा बाँध फुटेकाले नदीको पानी वरपरका गाउँमा प्रवेश गर्न थालेको छ। अलिपुरद्वारको ब्लक नम्बर १ को शालकुमार नम्बर १ ग्राम पञ्चायतको नातुनपाडा क्षेत्रमा पानी पस्न थालेको छ। नदीको बाँध भत्किएपछि जल्दापाराको शिशमारा क्षेत्रमा पानी पसेपछि बाढीको अवस्था सिर्जना भएको छ। गएराति परेको अविरल वर्षाका कारण आज धेरै ठाउँमा बाँध फुटेकाले जल्दापाडा वन हुँदै खोलाको पानी बस्तीमा प्रवेश गरेको छ। पानी बढेपछि गाउँलेहरु त्रसित भएका छन्। वर्षा रोकिएन भने पुरै क्षेत्र डुबानमा पर्ने डर छ।