गेजिङ: गेजिङ बर्मेक निर्वाचन क्षेत्रका विधायक लोकनाथ नेपालले आज मिडल गेजिङमा निर्मित हेल्थ एण्ड वेलनेस सेन्टरको उद्घाटन गरे। उक्त योजना एक्सभी वित्तीय आयोग अन्तर्गत निर्माण गरिएको हो। उद्घाटन कार्यक्रममा सिक्किम मिल्क युनियनका अध्यक्ष यमकुमार मिश्रा,चिफ मेडिकल अधिकारी ग्यारप दोर्जी भोटिया, खण्ड विकास अधिकारी देवेन्द्र प्रसाद शर्मा लगायत अन्यहरूको पनि उपस्थिति रहेको थियो। उद्घाटन कार्यक्रमलाई सम्बोधन गर्दै विधायक नेपालले स्थानीय समुदायलाई तत्काल सहायता उपलब्ध गराउन यस्ता उपकेन्द्रको महत्वलाई प्रकाश पार्दै उपकेन्द्रले १४ वटा ल्याब परीक्षण गर्ने र हप्तामा तीन दिन एकजना मेडिकल अफिसर परामर्शका लागि उपलब्ध हुने जानकारी दिए।
यो पहल विशेष गरी ग्रामीण क्षेत्रमा स्वास्थ्य सेवा पूर्वाधारलाई सुदृढ पार्न १५औं वित्त आयोगका सिफारिसलाई ध्यानमा राख्दै शुरू गरेको बताए। आयोगले शहरी स्वास्थ्य तथा कल्याण केन्द्र, भवनविहीन उपकेन्द्र र निदान पूर्वाधारमा केन्द्रित हुँदै स्थानीय सरोकारहरूलाई स्वास्थ्य अनुदानका लागि उल्लेख्य रकम विनियोजन गर्ने भएको अवगत गराए।
मिडल गेजिङमा रहेको स्वास्थ्य र कल्याण केन्द्र यस क्षेत्रमा स्वास्थ्य सेवाको पहुँच बढाउनको लागि एक महत्त्वपूर्ण कदम हो, र विधायक नेपालको प्रयासले निर्वाचन क्षेत्रका जनताको कल्याणको लागि उनको जनताप्रतिको प्रतिबद्धता दर्शाएको छ।