नयाँ दिल्ली: भारतीय सीनियर महिला हकी टीम ४ वटा म्याचको सीरीजको निम्ति अर्जेण्टिना जानेछ। यी म्याचहरू १३-देखि १७ अप्रेलसम्म ब्यूनस आयर्समा खेलिनेछ। टीमले आफ्नो सबै म्याचहरू नेशनल सेण्टर अव् हाई परफर्मेन्स एथलेटिक्स सेण्टरमा खेल्नेछ। यस यात्रालाई टीमको ठूलो टुर्नामेण्हरू अघि महत्त्वपूर्ण तयारी मानिएको छ। भारतीय महिला टीमले अर्जेण्टिनाविरुद्ध १३, १४, १६ र १७ अप्रेलमा म्याच खेल्नेछ। यस यात्रामा टीमले मजबूत प्रतिद्वन्द्वीविरुद्ध खेल्ने मौका पाउनेछ, जसले खेलाड़ीहरूलाई आफ्नो रणनीति सुधार्ने अवसर प्राप्त हुनेछ। भारत र अर्जेण्टिनाबीच गत केही सालदेखि रोचक प्रतिस्पर्धा देख्न पाइएको छ। गत वर्ष एफआईएचएल प्रो लीगमा २ टीमबीच खेलिएको म्याच २-२-ले ड्र रहेको थियो। त्यसपछि पेनल्टी शूटआउटमा नतिजा निस्किएको थियो। यसले म्याचको रोमाञ्चकतालाई दर्शाउँछ। यसपाली पनि २ टीमबीच रोमाञ्चक लड़ाइँ हुने तय छ। यो यात्रा आउँदो एफआईएच हकी वर्ल्ड कप र एशियन गेम्सको तयारीहरूको दृष्टिकोणले महत्त्वपूर्ण रहेको छ। वर्ल्ड कप अगसस्तमा बेल्जियम र नीदरल्याण्डमा हुनेछ। यसरी एशियन गेम्स सेप्टेम्बर-अक्टोबरमा जापानको आइची-नागोयामा हुनेछ। त्यसअघि भारतीय टीमले सही संयोजन खोज्ने प्रयास गर्नेछ।