३० जनवरीः स्पेनिश ला लीगा फूटबलमा एट्लेटिको म्याड्रिडले रोमाञ्चक जीत हासिल गरे पनि गत सीजनको च्याम्पियन रियल म्याड्रिड चाहिँ ड्र-मा रोकियो। शीर्ष तीनमा सामेल रियल म्याड्रिड र रियल सोसिएदादबीच खेलिएको म्याच गोलरहित ड्र (०-०)-मा समाप्त भयो। आफ्नो होम ग्राउण्ड सेण्टियागो बर्नब्यू स्टेडियममा ६२ प्रतिशत पोजेशनको साथ खेले पनि रियलले गोल गर्न सकेन। यस ड्र-ले रियल शीर्ष स्थान हासिल गर्ने होड़मा अझ पछाड़िन पुग्यो।

ला लीगा टेबलको शीर्ष स्थानमा रहने बार्सिलोनासँग अहिले १८ वटा म्याचमा ४७ पोइण्ट रहेको छ। यसरी नै रियल म्याड्रिड ४२ पोइण्टको साथ दोस्रो स्थानमा रहेको छ। रियल सोसिएदाद चाहिँ १९ वटा म्याचमा ३९ पोइण्ट लिएर तेस्रो स्थानमा रहेको छ। यसबीच एट्लेटिको म्याड्रिडले रोमाञ्चक म्याचमा ओसासुनालाई १-०-ले पराजित गऱ्यो। यस अवे म्याचमा जीत हासिल गर्न एट्लेटिकोले निक्कै मेहनत गर्नु पऱ्यो। विजेता टीमबाट एकमात्र गोल साउल निगुएजले ७४औं मिनटमा गरे।

यस जीतपछि एट्लेटिको म्याड्रिड १९ वटा म्याचमा ३४ पोइण्टको साथ चौथो स्थानमा पुग्यो। यसरी नै सातौं स्थानमा रहने ओसासुनासँग २८ पोइण्ट रहेको छ। ला लीगाको अन्य एउटा म्याचमा सेल्टा विगोले एथलेटिक क्लबलाई १-०-ले पराजित गऱ्यो। इयागो अस्पसले ७१औं मिनटमा दिलाएको गोलले सेल्टा विगोलाई जीत दिलायो।