नयाँ दिल्ली: आईसीसीले ताजा टी२० ऱ्याङकिंग जारी गरेको छ, जसमा भारतको निम्ति राहत र चुनौती दुवै रहेको छ। एकातिर अभिषेक शर्मा ब्याटरहरूका ऱ्याङकिंगमा शीर्ष स्थानमा कायम छन् भने पाकिस्तानका साहिबजादा फरहान उनको नजिक पुगिसकेका छन्। यसरी सञ्जु सेमसनलाई चाहिँ वेष्ट इण्डिजविरुद्ध म्याच जिताउने ईनिंग्सको फाइदा प्राप्त भएको छ। टी२० इण्टरनेशनल ब्याटरहरूका ऱ्याङकिंगमा भारतका अभिषेक शीर्षमा कायम छन् अनि उनीसँग ८७४ रेटिंग पोइण्ट्स रहेको छ तर अहिले दोस्रो स्थानमा रहने फरहान केवल २६ पोइण्ट्स पछि रहेका छन्। पाकिस्तानका ओपनरले आफ्नो करियरको सर्वश्रेष्ठ रेटिंग पोइण्ट्स (८४८) हासिल गरेका छन्। गत वर्ष जुलाईमा अष्ट्रेलियाका ट्रेविस हेडलाई पछि छोड़ेर शीर्षमा पुग्ने अभिषेकले एशिया कपको अवधि ९३१ रेटिंग पोइण्ट्स हासिल गरी इतिहास रचेका थिए तर टी२० वर्ल्ड कप २०२६-मा उनले आशानुरुप प्रदर्शन गर्न सकेका छैनन्। उनले ६ वटा म्याचमा केवल ८० रन बनाएका छन्। यसको विपरीत पाकिस्तान सेमिफाइनलमा नपुगे पनि फरहानले ६ वटा म्याचमा ३८३ रन बनाए, जसमा २ वटा शतक (नामीबिया र श्रीलंकाविरुद्ध) सामेल छ। यसबीच भारतका ओपनिंग ब्याटर सेमसनलाई ऱ्याङकिंगमा ठूलो फाइदा भएको छ। वेष्ट इण्डिजविरुद्ध अविजित ९७ रन बनाउने सेमसनले २५ स्थानको सुधार गरी ४०औं स्थान हासिल गरेका छन्। सेमसनभन्दा माथि वेष्ट इण्डिजका रोवम्यान पावेल, दक्षिण अफ्रिकाका रीजा हेण्ड्रिक्स र पाकिस्तानका बाबर आजम रहेका छन्। ब्याटरहरूका ऱ्याङकिंगको शीर्ष ३-मा अभिषेक र फरहानपछि ईंग्ल्याण्डका फिल सल्ट तेस्रो स्थानमा छन्।