मेलबर्न: टेस्ट क्रिकेटमा शुरुवाती कदम राख्ने नीतिश कुमार रेड्डीले भारतको निम्ति संकटमोचकको भूमिका निर्वाह गर्दै चौथो टेस्ट म्याचको तेस्रो दिन अविजित शतक लगाएर अष्ट्रेलियाले जीतको सम्भावनालाई ठूलो झट्का दिए। रेड्डीको अविजित १०५ रनको सहायताले भारतले वर्षाले वाधा पुऱ्याएको तेस्रो दिन चाँड़ै खेल समाप्त हुँदासम्म आफ्नो पहिलो ईनिंग्समा ९ विकेटमा ३५८ रन बनायो। अष्ट्रेलियाले यसअघि ४७४ रन बनाएको हुनाले भारत अहिले पनि पहिलो ईनिंग्सको आधारमा ११६ रन पछि रहेको छ। एमसीजी-को पीचमा बलरहरूलाई कुनै सहायता प्राप्त नभइरहेको हुनाले भारतको निम्ति हारको संकटलाई टार्नु मुश्किल नहुने अनुमान रहेको छ। भारतलाई चरम संकटबाट उकास्ने श्रेय रेड्डीलाई जान्छ, जसले जुझारुपनको असाधारण उदाहरण पेश गर्दै वाशिंगटन सुन्दरसँग आठौं विकेटको निम्ति १२७ रनको महत्त्वपूर्ण पार्टनरशीप गरे। दिनको खेल समाप्त हुँदासम्म रेड्डीको साथमा मोहम्मद सिराज २ रनमा अविजित थिए। अष्ट्रेलियाई बलरहरूमा प्याट कमिन्स र स्कट बोलाण्डले ३-३ विकेट लिए। रेड्डीले १७६ बल खेलेर १० वटा चौका र एउटा छक्का लगाइसकेका छन्। महान ब्याटर सुनिल गावस्करले रेड्डीको शतकीय ईनिंग्सलाई सर्वश्रेष्ठ टेस्ट ईनिंग्सहरूमा एउटा बताए।
यसअघि भारतले शुक्रवारको स्कोर ५ विकेटमा १६४ रनदेखि अघि खेल्दै आज शुरुदेखि नै विकेट गुमाउन थाल्यो। सबैभन्दा पहिला रिषभ पन्त २८ रन बनाएर आउट भए। उनी बोलाण्डको बलमा अनावश्यक शट् खेल्ने प्रयासमा आउट भए। त्यसपछि रविन्द्र जडेजा पनि १७ रन बनाएर स्पिनर न्याथन लायनको शिकार बने। यसरी केवल २२१ रनमा ७ विकेटको पतन हुँदा भारत चरम संकटमा परेको थियो। त्यहाँबाट रेड्डीले भारतको निम्ति संकटमोचकको भूमिका निर्वाह गर्दै असाधारण ब्याटिंग गरे। उनले वाशिंगटन सुन्दरबाट असल साथ पाए। यी दुईजनाले आठौं विकेटको निम्ति १२७ रनको महत्त्वपूर्ण पार्टनरशीप गरेर टीमलाई सम्मानजनक स्कोरमा पुऱ्याए। धैर्यको साथ ब्याटिंग गर्ने सुन्दरले १६२ बल खेलेर केवल एउटा चौकाको साथ ५० रन बनाए। सुन्दर अर्द्धशतक पूरा गर्नको साथ लायनको दोस्रो शिकार बने। त्यसपछि जसप्रीत बुमराह खाता नखोली आउट भए पनि सिराजको साथमा खेल्दै रेड्डीले आफ्नो पहिलो टेस्ट शतक बनाए।