योग र प्राकृतिक चिकित्सा मार्फत शरीरलाई स्वस्थ राख्न सन्देश

सिलगढी: हाजरा अन्तर्राष्ट्रिय योग प्राकृतिक चिकित्सा कलेज र अस्पतालद्वारा शुक्रबार पाँचौं राष्ट्रिय प्राकृतिक चिकित्सा दिवस मनाइयो।यस अवसरमा उत्तर बंगाल आदर्श योग अकादमीको सहयोगमा आज सिलगढीको कञ्चनजङ्घा स्टेडियमबाट र्‍याली निकालिएको थियो। यस ‘वाक अफ डे’ मार्फत नगरवासीलाई योग र प्राकृतिक चिकित्साको माध्यमबाट शरीरलाई कसरी स्वस्थ राख्ने भन्ने बारे सचेत गराइएको थियो। र्‍यालीमा योग विशेषज्ञ शिव हाजरा र उत्तर बंगाल आदर्श योग अकादमीका विद्यार्थीहरू र अन्य प्रतिष्ठित व्यक्तिहरू उपस्थित थिए।तृणमूल दार्जिलिङ जिल्ला अध्यक्ष आलोक चक्रवर्ती पनि मार्चमा सहभागी थिए। र्‍यालीले हिलक्रिस्ट रोड सहित सिलगढीका विभिन्न मार्गको परिक्रमा गरेको थियो।