बाघडुग्रा: रामनवमीको उपलक्ष्यमा अप्पर बाघडुग्रा सेवा संघको तर्फबाट रङ्गारङ्ग शोभायात्राको आयोजना गरियो। आज अप्पर बाघडुग्रा सेवा संघको व्यवस्थापन तथा संकट मोचन हनुमान मन्दिरको सहयोगितामा अप्पर बाघडुग्रा पानीघट्टा मोडबाट रङ्गारङ्ग शोभायात्रा निकालेर बाघडुग्रा बिहार मोड, स्टेसन मोडको परिक्रमा गरेपछि पुनः पानीघट्टा मोडमा पुगेर समापन गरियो। उक्त शोभायात्रामा हजारौंको संख्यामा मानिसहरूले अंश ग्रहण गरेका थिए। उक्त शोभायात्रामा सामेल भएका मानिसहरूले बाघडुग्रा भुजियापानीका युवकहरूले पिउने पानी तथा शरबत वितरण गरे।