रामनवमी पर्व समितिका सदस्यले सडक अवरुद्ध

सिलगढी: फुलबारी इलाकामा रामनवमीको प्रचार गर्न राखिएका केही भगवा झण्डाहरू रातको अँध्यारोमा बदमाशहरूले तल झारेका छन्। यही आरोपमा रामनवमी पर्व समितिका सदस्यहरूले आइतबार लामो समय सडक अवरुद्ध गरेर विरोध गरेका थिए। आइतबार बिहान रामनवमी पर्व समितिका सदस्यले खबर पाएपछि राष्ट्रिय राजमार्ग फुलबारी गण क्रस क्षेत्रमा अवरुद्ध पारेर विरोध प्रदर्शन गरेका थिए। तिनीहरूले घटनामा संलग्नलाई तत्कालै पहिचान गरी पक्राउ गरी कारबाही गर्न माग गरेका छन्। अन्तत: नयाँ जलपाइगढी थानाको पुलिस घटनास्थलमा पुग्यो र पुलिसको आश्वासनमा अवरोध हटाइएको थियो।