कोलकाताः पश्चिम बंगालका राज्यपाल डा. सीवी आनन्द बोस र राज्य सरकारबीच एक पल्ट फेरि तनाव बढ्ने अनुमान छ। राज्यपालले राज्यको शिक्षा विभागको तर्फबाट स्वास्थ्य विश्वविद्यालयमा नियुक्त गरिएका कुलपति सुहृता पाललाई हटाउने निर्देश दिएका छन्। राज्य सरकारलाई पठाइएको आफ्नो चिट्ठीमा राज्यपालले लेखे, नियमहरूको पालना गरी कुलपतिको नियुक्ति भएको छैन। यसैले उनलाई तुरन्तै हटाइयोस्।

उल्लेख्य, यसअघि राज्यपालले राज्यका ११ विश्वविद्यालयमा अस्थाई कुलपतिहरूको नियुक्ति गरेका थिए। जसलाई लिएर राज्यका शिक्षा मन्त्री ब्रात्य बसुले प्रश्न चिह्न खड़ा गरेका थिए। स्वयं मुख्यमन्त्री ममता ब्यानर्जीले पनि राज्यपालमाथि शिक्षा क्षेत्रमा हस्तक्षेपलाई लिएर हमला गरेकी थिइन् औं समानान्तर प्रशासन चलाएको आरोप लगाएकी थिइन्।

यसपछि अब एक पल्ट फेरि राज्यपालले जब स्वास्थ्य विश्वविद्यालको कुलपतिलाई हटाउने निर्देश दिएका छन्, अब तनाव बढ्ने सम्भावना छ। सूत्रहरू अनुसार, गवर्नरले केरलाबाट एक शिक्षाविदलाई राज्यको स्वास्थ्य विश्वविद्यालयको कुलपति नियुक्ति गर्ने मन बनाएका छन्।

-हिस