गान्तोक। सिक्किमका राज्यपाल गंगा प्रसादले सिक्किमवासीहरू विशेष रूपमा भुजेल समुदायलाई पुहगल परिमको अवसरमा बधाई एवं शुभकामना दिएका छन्।

राज्यपालले आफ्नो सन्देशमा भनेका छन्, ‘यो चाड भुजेल समुदायद्वारा मार्गशीर्ष पूर्णिमादेखि पञ्चमीसम्म ५ दिन नदीको किनारमा मनाउने गरिन्छ।

चाडमा पञ्च तत्वहरूको पूजाको माध्यमद्वारा प्रकृति आमाको पूजा र राम्रो फसलका लागि पूर्खाहरूलाई धन्यवाद दिने गरिन्छ।’

राज्यपालले सबै प्राणीहरूको कल्याणको निम्ति प्रार्थना गर्ने तथा चाडको माध्यमद्वारा प्रकृति आमाप्रति कृतज्ञता ज्ञापन गर्न आह्वान गरेका छन्।