कोलकाता: क्रिकेट एसोसिएसन अफ बंगालले बेंगल प्रो टी-२० लिगमा थप दुई फ्रेन्चाइजी थपेको घोषणा गरेको छ। रश्मी ग्रुप र एडमस युनाइटेड स्पोर्ट्स एकेडेमी, राइस एडमस ग्रुपको पहल लिगमा आठ सशक्त फ्रेन्चाइज टोलीको भागको रूपमा सामेल भएका छन्। दुई नयाँ फ्रेन्चाइजीहरू थपिएको घोषणा गर्दै बंगाल क्रिकेट संघका अध्यक्ष स्नेहाशिस गांगुलीले भने, ‘हामीलाई बंगाल प्रो टी-२० लिगमा यस्तो बलियो र विश्वसनीय समूह जोड्न पाउँदा खुशी लागेको छ। यसले बंगाल भरबाट प्रतिभा पत्ता लगाउन र उज्जवल भविष्यको लागि आफूलाई देखाउनको लागि धेरै आवश्यक प्रिमियर प्लेटफर्म प्रदान गर्न सीएबीको अथक प्रयासलाई रेखांकित गर्दछ।‘

सीएबीद्वारा आयोजित र अराइभा स्पोर्ट्सद्वारा विशेष रूपमा व्यवस्थित गरिएको बंगाल प्रो टी-२० लीग, इण्डियन प्रिमियर लिग (आईपीएल) को यो सिजनको समाप्ति पछि हुनेछ। प्रत्येक फ्रान्चाइजीले पुरुष र महिला दुवै टोलीलाई मैदानमा उतार्नेछ। पुरुषका सबै खेल ऐतिहासिक इडेन गार्डेनमा खेलाइने छ भने महिलाका खेल जादवपुर विश्वविद्यालय, साल्टलेक क्याम्पस मैदानमा हुनेछन्। रश्मी ग्रुपका निर्देशक सञ्जीव कुमार पटवारीले आफ्नो उत्साह व्यक्त गर्दै भने, ‘बंगाल प्रो टी-२० लिगको हिस्सा बन्न पाउँदा रश्मी ग्रुप निकै उत्साहित छ। हामी यस अवसरलाई बंगाल क्रिकेटको लुकेका प्रतिभाहरूलाई समर्थन गर्न र यस प्लेटफर्ममा उनीहरूको सीप प्रदर्शन गर्न प्रोत्साहित गर्न चाहन्छौं।‘

राइस एडमस ग्रुपका अध्यक्ष तथा एडमस युनिभर्सिटीका कुलपति प्राध्यापक (डा) समित रेले भने, ‘हामीले राइस एडमस ग्रुपमा सधैं शिक्षासँगै खेलकुदलाई प्रवद्र्धन गर्दै आएका छौँ। हाम्रो फुटबल क्लब पहिले नै पहिलो डिभिजनका लागि छनोट भइसकेको छ र हाम्रो युवा टोलीले रिलायन्स फाउन्डेशन कपको अन्तिम राउण्ड मोहनबागन र ईस्ट बंगालसँग खेल्दैछ। एडमस युनिभर्सिटीले खेलो भारतमा धेरै खेलहरूमा असाधारण रूपमा राम्रो प्रदर्शन गरेको छ र सात सय सहभागी विश्वविद्यालयहरू मध्ये पूर्वी भारतमा नम्बर १ र राष्ट्रिय रूपमा १३औं स्थानमा छ। यो बंगाल प्रो टी-२० टोलीसँग, हामी विश्वस्त छौं कि हामीले असाधारण प्रतिभा प्राप्त गर्नेछौं र खेललाई पोषण गर्नेछौं।‘ यस हप्ताको शुरुमा श्राची स्पोर्ट्स र सर्भोटेक पावर सिस्टम्सले पनि फ्रेन्चाइज अधिकार पाएका थिए। यी प्रत्येक टोलीले विभिन्न जिल्लाको क्याचमेन्ट क्षेत्रको प्रतिनिधित्व गर्नेछन्। जसको विवरण बंगाल क्रिकेट संघले छिट्टै सार्वजनिक गर्नेछ।