सोनादा: रंगबुल फाटकस्थित सङ्कटमोचन विनायक गणेश मन्दिरमा यस वर्ष पनि परम्परागत रूपमा श्रीगणेश चतुर्थी पर्व श्रद्धा र भक्तिभावसहित आयोजना गरिने भएको छ। पर्व २७ अगस्तदेखि ६ सेप्टेम्बर २०२५ सम्म सञ्चालन हुने भएको छ। मन्दिर समितिले दिएको जानकारी अनुसार, पर्व अवधिभर दैनिक बिहान १० बजीदेखि दिउँसो १:३० बजीसम्म नियमित पूजा–अर्चना हुनेछ भने सन्ध्याकालीन समयमा भजन–कीर्तन कार्यक्रम आयोजना गरिनेछ। अन्तिम दिन अर्थात् ६ सेप्टेम्बरमा बिहान ९ बजी हवन सम्पन्न गरिनेछ। त्यसपछि पूर्णाहुति, टीका–प्रसाद वितरण र भण्डारा आयोजना हुने समितिले जनाएको छ। कार्यक्रमको अन्त्यमा धन्यवाद ज्ञापनपछि विसर्जन गरिनेछ। मन्दिर समितिले सम्पूर्ण भक्तजनलाई यस पावन पर्वमा सहभागी भई पुण्य लाभ लिन हार्दिक निमन्त्रण गरेको छ।