बर्लिन: यूएफा नेशन्स लीग फूटबल प्रतियोगितामा इटलीको साथमा जर्मनीले उत्कृष्ट प्रदर्शनको क्रम जारी राख्यो। यसरी फ्रान्सले पनि रोमाञ्चक जीत हासिल गऱ्यो। जर्मनीले सोमवार राति खेलिएको ग्रुप ए३-को म्याचमा नीदरल्याण्डलाई १-०-ले पराजित गऱ्यो। आफ्नो होम ग्राउण्ड आलियाञ्ज एरेनामा ४८ प्रतिशत पोजेशनको साथ खेल्ने जर्मनीले म्याच जित्न निक्कै परिश्रम गर्नु पऱ्यो। होम टीमलाई म्याचको एकमात्र गोल जेमी लेवेलिंगले ६४औं मिनटमा दिलाए। यस रोमाञ्चक जीतको साथ जर्मनी ४ वटा म्याचमा १० पोइण्ट्सको साथ ग्रुप टेबलको शीर्ष स्थानमा कायम रह्यो। यसरी नीदरल्याण्ड ५ पोइण्ट्सको साथ गोल अन्तरको आधारमा दोस्रो स्थानमा रहेको छ। यस ग्रुपको अन्य एउटा म्याचमा हंगेरीले बोस्निया एण्ड हर्जेगोविनालाई २-०-ले पराजित गऱ्यो। विजेता टीमबाट दुवै गोल डोमिनिक श्रोबोजलाइले दर्ता गरे। यसरी फ्रान्सले बेल्जियमविरुद्ध रोमाञ्च र उत्तेजनाले भरिएको म्याचमा २-१-ले जीत हासिल गऱ्यो। यस अवे म्याचमा ५४ प्रतिशत पोजेशनको साथ खेल्ने फ्रान्सीसी टीमबाट दुवै गोल राण्डाल कोलो मुआनीले छिराए। उनले ३५औं र ६२औं मिनटमा गोल गरे। यसरी बेल्जियमबाट लोइस ओपेण्डाले मध्यान्तर अघि इञ्ज्युरी टाइमको तेस्रो मिनटमा गोल गरे। म्याचमा फ्रान्सीसी मीडफिल्डर औरेलिन छौआमेनीलाई ७६औं मिनटमा रेड कार्ड देखाइयो। यसै ग्रुपको अन्य एउटा म्याचमा इटलीले इज्रायललाई सजिलैसँग ४-१-ले पराजित गऱ्यो। आफ्नो होम ग्राउण्डमा ६९ प्रतिशत पोजेशनको साथ खेल्ने इटलीबाट जियोभानी डी लोरेञ्जोले ५४औं र ७९औं मिनटमा २ गोल गगरे। यसबाहेक मातेओ रेतेगुईले ४१औं र डेविड फ्रात्तेसीले ७२औं मिनटमा गोल गरे। यसरी इज्रायलबाट मोहम्मद अबु फानीले ६६औं मिनटमा गोल गरे। ग्रुप ए२-मा अहिले इटली ४ वटा म्याचमा १० पोइण्ट्सको साथ शीर्ष स्थानमा रहेको छ। दोस्रो स्थानमा रहने फ्रान्ससँग ९ पोइण्ट्स रहेको छ। बेल्जियम केवल ४ पोइण्ट्स लिएर तेस्रो स्थानमा रहेको छ।
ग्रुप बी-मा युक्रेन र चेक रिपब्लिकबीच खेलिएको म्याच १-१-ले ड्र रह्यो। लुकास सेर्वले १८औं मिनटमा गोल गरी चेक रिपब्लिकलाई बढ़त दिलाए पनि अर्टेम डोवबिकले ५२औं मिनटमा पेनल्टीबाट गोल गरी युक्रेनलाई होम ग्राउण्डमा हार्नदेखि बचाए। यस ग्रुपको अन्य एउटा म्याचमा अल्बानियाले जर्जियालाई १-०-ले पराजित गऱ्यो। ग्रुपमा चेक रिपब्लिक ४ वटा म्याचमा ७ पोइण्ट्सको साथ शीर्ष स्थानमा रहेको छ। ग्रुप बी४-मा वेल्सले मेण्टोनेग्रोलाई १-०-ले पराजित गऱ्यो। विजेता टीमबाट हेरी विल्सनले ३६औं मिनटमा गोल गरे। यसरी तुर्कियेले आइसल्याण्डविरुद्ध ४-२-ले जीत हासिल गऱ्यो। ग्रुप बी4-मा तुर्किये ४ वटा म्याचमा १० पोइण्ट्सको साथ शीर्ष स्थानमा रहेको छ।