म्याड्रिड: यूएफा च्याम्पियन्स लीग फूटबल प्रतियोगितामा यस हप्ताको प्रमुख आकर्षणमा म्यानचेष्टर सिटीले रोमाञ्चक जीत हासिल गऱ्यो जबकि पेरिस सेण्ट जर्मेन (पीएसजी) चाहिँ निराशाजनक ड्र-मा रोकियो। बुधवार राति खेलिएको म्याचमा रियल म्याड्रिडलाई म्यानचेष्टर सिटीले २-१-ले पराजित गऱ्यो। म्याच चरम रोमाञ्चक रह्यो अनि शुरुमै गोल खाए पनि असाधारण पुनरागमन गर्दै सिटीले जीत हासिल गऱ्यो। आफ्नो होम ग्राउण्ड सेण्टियागो बर्नब्यूमा ४६ प्रतिशत पोजेशनको साथ खेल्ने रियल म्याड्रिडलाई रोड्रिगोले २८औंं मिनटमा बढ़त दिलाए। त्यसपछि निको ओ’रिलीले ३५औं मिनटमा गोल गरी म्यानचेष्टर सिटीलाई बराबरीमा पुऱ्याए। प्रीमियर लीग क्लबले पहिलो हाफमै निर्णायक गोल पनि हासिल गऱ्यो। एर्लिंग हालाण्डले ४३औं मिनटमा पेनल्टीबाट गोल गरी म्यानचेष्टर सिटीलाई जीत दिलाए। दोस्रो हाफको खेलमा रियल म्याड्रिडले लगातार आक्रमण गरे पनि सफलता हासिल गर्न सकेन। यस जीतको साथ म्यानचेष्टर सिटी ६ वटा म्याचमा १३ पोइण्ट्सको साथ गोल अन्तरको आधारमा चौथो स्थानमा पुग्यो। यसरी रियल म्याड्रिड १२ पोइण्ट्सको साथ सातौं स्थानमा रहेको छ।
यसरी आर्सनलले आफ्नो विजयाभियान जारी राख्दै बुल्गेरियाको क्लब क्लब ब्रुगेविरुद्ध ३-०-ले जीत हासिल गऱ्यो। यस अवे म्याचमा ५१ प्रतिशत पोजेशनको साथ खेल्ने विजेता टीमबाट नोनी मादुएकेले २५औं र ४७औं मिनटमा २ गोल गरे। अन्य एउटा गोल गेब्रिएल मार्टिनेल्लीले ५६औं मिनटमा गरे। यस जीतको साथ आर्सनल १८ पोइण्ट्सको साथ शीर्ष स्थानमा कायम रह्यो। टीमले जारी सीजनमा १७ गोल गरेर केवल एक गोल खाएको छ। गत सीजनको च्याम्पियन पीएसजी चाहिँ स्पेनिश टीम एथलेटिक क्लबविरुद्ध गोलरहित ड्र-मा रोकियो। यस अवे म्याचमा ७१ प्रतिशत पोजेशनको साथ खेले पनि फ्रान्सीसी क्लबले गोल गर्न सकेन। यस ड्र पछि पीएसजी १३ पोइण्ट्सको साथ तेस्रो स्थानमा रहन पुग्यो। युभेण्टसले साइप्रसको क्लब पाफोसविरुद्ध २-०-ले जीत हासिल गऱ्यो। आफ्नो होम ग्राउण्डमा ६२ प्रतिशत पोजेशनको साथ खेल्ने इटालियन क्लबबाट वेष्टन म्याकेनीले ६७औं र जोनाथन डेविडले ७३औं मिनटमा गोल गरे। यस जीतको साथ युभेण्टस ९ पोइण्ट्सको साथ १७औं स्थानमा पुग्यो। युभेण्टसको यो टुर्नामेण्टको जारी सीजनमा केवल दोस्रो जीत हो। अन्य म्याचहरूमा अयाक्सले काराबाग एफके-लाई ४-२-ले अनि बेनफिकाले नापोलीलाई २-०-ले पराजित गऱ्यो। बोरुसिया डर्टमण्ड र बोडो ग्लिम्टबीच खेलिएको म्याच २-२-ले ड्र रह्यो।