सिलगढी: सिलगढीमा भूमिगत केवल सेवाको काम शुरु भएको छ। यो आयोजना वल्ड बैंकको आर्थिक सहयोगमा र पश्चिम बंगाल राज्य विद्युत वितरण कम्पनी लिमिटेडको तर्फबाट सञ्चालनमा आएको हो। मेयर गौतम देवले मंगलबार विधान मार्केट व्यापार समितिसँग बैठक गरे। बैठकमा उपमेयर रञ्जन सरकार, मेयर काउन्सिल, इन्जिनियर लगायतको उपस्थिति रहेको थियो। विधान मार्केटमा छिट्टै भूमिगत केबल सेवाको काम शुरु हुनेछ। आज कसैलाई अप्ठेरो नपारी काम कसरी सम्पन्न गर्ने भन्ने विषयमा छलफल भएको थियो। यस सम्बन्धमा मेयर गौतम देवले विधान मार्केट सबैभन्दा व्यस्त ठाउँ भएको बताए। त्यसैले बजार व्यापारी समितिको सहयोगमा रातिको समयमा काम गरिनेछ। अबको केही महिनामा सम्पूर्ण काम सम्पन्न हुनेछ। काम सकिएपछि मात्रै नगरको मुहार फेरिने उनले बताए।