शिलोङ: भारी वर्षाले मेघालयको दक्षिण गारो हिल्स जिल्लामा विनाशकारी बाढी र पहिरोको कारण कम्तिमा १० जनाको मृत्यु भएको छ। पछिल्लो २४ घण्टामा आएको विपद्ले विशेषगरी ग्यासुआपारा क्षेत्रमा पहिरो जाँदा दुर्गम गाउँ हातियासिया सोङ्मामा एकै परिवारका सात जनाको ज्यान गएको छ। पीडितहरूमा तीन नाबालिगहरू थिए, जसमध्ये कान्छो मात्र १.५ वर्षको थियो। उद्धार टोलीले शव निकाल्ने काम जारी राखेका छन्। बाढीले ठूलो क्षति पुर्याएको दलु क्षेत्रमा बाँकी तीन जनाको मृत्यु भएको छ। मुख्यमन्त्री कोनराड के संगमाले गारो पहाडका पाँच जिल्लाको अवस्थाको आकलन गर्न आकस्मिक बैठक बोलाएर जनधनको क्षतिप्रति गहिरो दुःख व्यक्त गरेका छन्। संकटको प्रतिक्रियामा नेसनल डिजास्टर रेपोन्स फोर्स (एनडीआरएफ) रस्टेट डिजास्टर रेस्पोन्स फोर्स (एसडीआरएफ) का कर्मचारीहरू सबैभन्दा प्रभावित क्षेत्रमा खोज र उद्धार कार्यहरू संचालन गर्न खटाइएको छ। पश्चिम गारो पहाड र दक्षिण गारो पहाडहरू बीचको महत्वपूर्ण दलु-बाघमारा सडक अवरुद्ध भएको विपत्तिले क्षेत्रीय पूर्वाधारलाई नराम्ररी क्षति पुर्‍याएका मृतकका परिवारलाई तत्कालै अनुदान दिन पनि मुख्यमन्त्रीले आदेश दिएका छन्। यो समस्या समाधानका लागि संगमाले बेली ब्रिज प्रविधिको प्रयोग गरी पुनर्निर्माणलाई तीव्रता दिन प्रस्ताव गरेका छन्।