‎सिलगढ़ी: राज्यमा राजनीतिक परिवर्तनपछि पहिलो पटक मुख्यमन्त्री शुभेन्दु अधिकारी आज उत्तर बङ्गालको भ्रमणमा आउँदैछन्। मुख्यमंत्रीले यहाँ, सिलगढ़ीस्थित उत्तरकन्यामा एक महत्वपूर्ण प्रशासनिक बैठकमा सहभागिता जनाउनेछन्। उनको भ्रमणलाई लिएर पहिलेदेखि नै तीव्र तयारी सुरु गरिएको छ।
प्रशासनिक स्रोतका अनुसार उत्तर बङ्गालका विभिन्न जिल्लाका वरिष्ठ अधिकारीहरू उक्त बैठकमा उपस्थित रहनेछन्। बैठकमा कानून–व्यवस्थाको अवस्था, सरकारी योजनाहरूको प्रगति तथा क्षेत्रीय विकाससँग सम्बन्धित विभिन्न महत्वपूर्ण विषयमाथि छलफल हुने सम्भावना रहेको छ।
मुख्यमन्त्रीको भ्रमणलाई ध्यानमा राख्दै उत्तरकन्या परिसर सजाउने कार्य अहिले पनि जारी छ। विभिन्न ब्यानर, फेस्टुन तथा अन्य सजावटी सामग्रीमार्फत सम्पूर्ण क्षेत्रलाई आकर्षक बनाइँदैछ। साथै प्रशासनद्वारा सुरक्षा व्यवस्थाको पनि गहन समीक्षा भइरहेको छ।
मङ्गलवार भारतीय जनता पार्टीका केही नेताहरू उत्तरकन्या पुगेर तयारीको निरीक्षण गरेका थिए। राजनीतिक विश्लेषकहरूका अनुसार उत्तर बङ्गालको विकास तथा प्रशासनिक कार्यलाई गति दिनका लागि यो बैठक निकै महत्वपूर्ण साबित हुनसक्नेछ।