काेलकाता: मुख्यमन्त्री ममता ब्यनर्जीद्वारा हालैमा गरिएको घोषणा अनुरूप पश्चिम बंगाल सरकारले राज्यमा सय दिने रोजगार योजना अन्तर्गत भुक्तानको लागि एसओपी तयार गरेको छ। लाभार्थीहरूको सूची सार्वजनिक रूपमा पोस्ट गरिनेछ। नवान्न सूत्र अनुसार प्रत्येक ग्राम पञ्चायतमा पैसा पाउनेहरूको सूची टाँसिनेछ।

आगामी एक मार्चदेखि राज्यका कर्मचारीहरूलाई सय दिने रोजगारको बाँकी भुक्तान गर्ने प्रक्रिया शुरू हुनेछ। भुक्तान कसरी गर्नुपर्छ यसको निम्ति राज्यको पञ्चायत विभागले एसओपी जारी गरेको छ। जिल्लाहरूको लागि सात सूत्रीय अभियान कार्यक्रम तयार गरिएको छ।

राज्य सचिवालयका एकजना अधिकारीले शनिवार बताएका छन्, राज्यभरि मनरेगाका 24 लाख 25 हजार कर्मचारीहरू छन् जसको भुक्तान गरिनेछ। प्रशासनिक सूत्र अनुसार यसको लागि सरकारी ढुकुटीबाट 8 हजार करोड़ रुपियाँभन्दा अधिक खर्च गरिनेछ।

सचिवालय सूत्र मुताविक जिल्लाधिकारी अनि अन्य अधिकारीहरूको निगरानीमा एक नियन्त्रण कक्ष खोलिनेछ जहाँ मानिसहरूको सिकायत सुनिनेछ।