गान्ताेक: सिक्किमका मुख्यमन्त्री प्रेम सिंह तामाङले भर्खरै मात्र नेपालस्थित देवी भगवतीलाई समर्पित पवित्र मनकामना मन्दिर र पवित्र पशुपतिनाथ मन्दिरको दर्शन गरी पूजा-अर्चना गरे एवं प्रार्थना अर्पण गरे।
सामाजिक संजाल मार्फत मुख्यमन्त्रीले भने, उच्च पहाडको शिखरमा अवस्थित मनोकामनाको मन्दिरले गहिरो आध्यात्मिक शान्ति प्रदान गर्नुका साथै आत्मालाई उचाल्ने, मनमोहक र शान्त वातावरण अनुभूति गराउँछ, जसले मनमा आन्तरिक शान्ति, आनन्द, सद्भाव र पूर्णताको भावना जागृत गराउँछ।
यसैगरी मुख्यमन्त्रीले पशुपतिनाथ मन्दिरको दर्शनको अवसरमा शान्त र पवित्र प्राङ्गणभित्र पवित्र पारिजातको बिरुवा रोप्ने अवसर प्राप्त गर्नु अत्यन्तै आनन्ददायी र आत्मसन्तुष्टिदायक क्षण रहेको बताए साथै उनले, यस कार्यले आस्था, नवजीवन तथा प्रकृतिप्रतिको श्रद्धाको प्रतीकत्व गर्दछ भने।
मुख्यमन्त्रीले संजालमा जनाए अनुसार दुवै मन्दिरको गहिरो आध्यात्मिक वातावरण अत्यन्तै भावुक बनाउने खालको थियो, जसले उनलाई आशीर्वादित, ताजगीपूर्ण तथा आध्यात्मिक रूपमा समृद्ध महसुस गरायो।
दर्शनका क्रममा, मुख्यमन्त्रीले श्रद्धापूर्वक सिक्किमे जनताको कल्याण, सुख, समृद्धिका लागि, गरिब, बिरामी तथा कमजोर वर्गको उत्थानका लागि, साथै सिक्किम राज्य र राष्ट्रको समग्र विकास, शान्ति र प्रगतिका लागि हार्दिक प्रार्थना अर्पण गरे।
मुख्यमन्त्रीले संजालमा जनाए अनुसार उनले मन्दिरमा “वसुधैव कुटुम्बकम्” सम्पूर्ण विश्व एक परिवार हो भन्ने महान् दर्शनबाट प्रेरित हुँदै विश्वभरिका जनताको हित, शान्ति र सद्भावका लागि पनि प्रार्थना गरे।

यस पवित्र यात्रालाई सफल बनाउन सहयोग र सहकार्य प्रदान गर्नु हुने सम्पूर्ण व्यक्तिप्रति मुख्यमन्त्रीले हार्दिक आभार व्यक्त गरे। साथै उनिहरूको सद्भाव, समर्पण र सहयोग सधैं सम्मानपूर्वक स्मरणीय रहने जनाए।