गान्ताेक: आज तेस्रो आईआरबीएनका कमाण्डेन्ट रिङ्जिङ चोपेल राईको नेतृत्वमा आएको प्रतिनिधिमण्डलले मुख्यमन्त्री प्रेम सिंह तामाङको आधिकारिक निवासमा भेट गरी ‘ड्रागन रन १.० – “एक दौड, एक भावना”’ आयोजना गर्ने आफ्नो पहलको बारेमा जानकारी गरायो।
सामाजिक संजाल मार्फत मुख्यमन्त्रीले यस कार्यक्रमको उद्देश्य स्वास्थ्य र कल्याणको प्रवर्द्धन गर्नु रहेको बताए जुन आजको समयमा झन् महत्वपूर्ण छ। यो दौड राज्यका सबैभन्दा रमणीय मार्गहरूमध्ये एक मानिने टेमी चिया बगानमा विभिन्न वर्गअन्तर्गत सञ्चालन गरिनेछ।
मुख्यमन्त्रीले आयोजकहरूलाई “वाक एन्ड टक” नामक परोपकारी कार्यक्रम पनि समावेश गर्न प्रोत्साहन गरे जसमा विभिन्न पुरस्कारहरू रहनेछन्।

यो कार्यक्रम ‘डिस्कभर टेमी समूह’, ‘लायन्स क्लब’ र ‘सिक्किम मणिपाल विश्वविद्यालय’को सहकार्यमा आयोजना हुन गइरहेको छ र २२ फेब्रुअरी २०२६ मा सम्पन्न हुने तय भएको छ।
कार्यक्रमको सफल आयोजनाका लागि मुख्यमन्त्रीले आयोजकहरूलाई हार्दिक शुभकामना व्यक्त गरे अनि यो प्रयास पूर्णरूपमा सफल रहोस् भन्ने कामना गरे।