सास गन्हाउनु एक सामान्य समस्या हो अनि यो धेरै कारणले हुनसक्छ जस्तै गिजाको रोग, मधुमेह, टीबी, जिंकको कमी र पेटको समस्या। कहिलेकाहीँ केही औषधि खाएपछि र डिहाइड्रेसनका कारण सास गन्हाउन पनि सक्छ। कुनै खानेकुरा खाँदा पनि मुखबाट दुर्गन्ध आउँछ। सास गन्हाउने कारण के हुनसक्छ?

 धेरै मसलायुक्त खानेकुरा खाँदा पनि मुखबाट दुर्गन्ध आउँछ, किनभने यी मसलाले खाना खाएपछि पनि आफ्नो विशेष गन्ध राख्छ। यी मसलाहरूबाट प्राप्त तेल हाम्रो मुखमा रहन्छ र यसको गन्ध जारी राख्छ। अदुवा, लसुन, प्याज, ल्वाङ्ग, कालो मरिच केही यस्ता मसला हुन् जसले गन्ध छोड्छ, त्यसैले खाएपछि केही समयपछि दाँत माझ्नुपर्छ। सास गन्हाउने मुख्य कारण ब्याक्टेरिया हो जुन दाँत र गिजामा प्लाकको रूपमा जम्मा हुन्छ, त्यसैले खाना खाएपछि ब्रश गर्नुहोस् ताकि यो प्लाक जम्मा हुन दिनुहुँदैन। हामी सबैले आफ्नो दाँत सफा गर्छौं तर आफ्नो जिब्रो सफा गर्न बिर्सन्छौं र खानाको कणहरू जिब्रोमा प्लेक्सको रूपमा जम्मा हुन्छन् र सासको दुर्गन्ध पैदा गर्दछ, त्यसैले आफ्नो जिब्रोलाई ब्रशले सफा गर्न बिर्सनु हुँदैन। सबैले बिहान ब्रस गर्छन्, तर हरेक पटक केहि खाएपछि, कुल्ला गर्न निश्चित गर्नुपर्छ। दूध, दही, पनीर आदि जस्ता केही खानेकुराले पनि सास गन्हाउनसक्छ, त्यसैले खाएपछि केही समयपछि कुल्ला गर्नुपर्छ। पर्याप्त मात्रामा खाना नलिँदा पनि मुखबाट दुर्गन्ध आउन सक्छ, त्यसैले सन्तुलित आहार सही मात्रामा लिनुपर्छ। माउथवाशको प्रयोगले सासको दुर्गन्ध हटाउँछ तर धेरै माउथवासमा अल्कोहल हुन्छ जसले मुखमा सुख्खापन ल्याउँछ र ब्याक्टेरियालाई फल्ने मौका दिन्छ। मुख सुख्खा हुनबाट जोगिन, धेरै पानी पिउनुपर्छ।