तिरुमला: रिलायन्स समूहका अध्यक्ष मुकेश अम्बानीले आइतबार तिरुमला स्थित भगवान वेङ्कटेश्वर मन्दिरमा पूजा–अर्चना गरेका छन्। तिरुमला तिरुपति देवस्थानम (टीटीडी) का अधिकारीहरूले उनीहरूलाई स्वागत गर्दै सुप्रभात सेवाका समयमा दर्शन गराएका थिए। दर्शनपछि पुजारहरूले उनलाई रेशमी वस्त्र ओढाएर सम्मान गरेका र प्रसाद अर्पण गरेका थिए।
दुई लाख भक्तका लागि बन्नेछ ‘मेगा किचन’:
अम्बानीले मन्दिर परिसरमै एक मेगा किचन निर्माण गर्ने घोषणा गरेका छन्। यस किचनमा दैनिक करिब दुई लाख भक्तजनका लागि निःशुल्क भोजनको व्यवस्था गरिनेछ।
यो परियोजना तिरुमला तिरुपति देवस्थानम र आन्ध्र प्रदेश सरकारको सहकार्यमा निर्माण गरिने बताइएको छ। अम्बानीले भने, “यो कार्य भक्त सेवाको उद्देश्यले सुरु गरिएको हो, जसले गर्दा कुनै पनि भक्त मन्दिरबाट भोकै फर्कन नपरोस्।”
केरलका मन्दिरहरूमा पनि दर्शन:
तिरुपति दर्शनपछि अम्बानीले केरलको त्रिशूरस्थित श्रीनाथजी मन्दिर र गुरुवायूर देवस्वम मन्दिरमा पनि पूजा–दर्शन गरेका छन्।
उनीहरूले दुबै मन्दिरलाई १५–१५ करोड रुपैयाँ सहयोग गर्ने घोषणा गरेका छन्।
‘भक्ति र सेवा नै सबैभन्दा ठूलो सम्पत्ति’:
अम्बानीले भने, “भगवानको सेवा र भक्तको सहायता नै सबैभन्दा ठूलो धर्म हो। भक्ति र सेवा नै मेरो लागि सबैभन्दा ठूलो सम्पत्ति हो।”