मालदा: जिल्लाभर सरकारी विद्यालयको पोशाक वितरण सुरु भएको छ। जिल्ला शिक्षा विभाग र अङ्ग्रेजी बजार नगरपालिकाको आयोजनामा शुक्रबार दिउँसो मालदा बार्लो गर्ल्स हाईस्कुलमा आयोजित कार्यक्रममा विद्यालयका छात्राहरूलाई विद्यालय पोशाक वितरण गरिएको हो। कार्यक्रममा अङ्ग्रेजीबजार नगरपालिकाका अध्यक्ष कृष्णेन्दुनारायण चौधरी, उपाध्यक्ष सुमला अग्रवाल, पार्षद इन्चार्ज निवेदिता कुण्डु, डिआई मावि सुजित सामन्त, डिआइ प्राइमरी सत्यजित मण्डल, बार्लो गर्ल्स हाई स्कूलका शिक्षक तथा विद्यार्थीहरूको उपस्थिति रहेको थियो। शहीद दिवसको अवसरमा क्रान्तिकारी खुदिराम बोसको तस्बिरमा दीप प्रज्वलन र माल्यार्पण गरी विद्यालय पोशाक वितरण कार्यक्रमको औपचारिक सुरुवात गरिएको थियो। बार्लो गर्ल्स हाई स्कूलमा विद्यालय पोशाक वितरण कार्यक्रमको उद्घाटन गरिएको उपस्थित अतिथिहरूले जानकारी दिए। त्यसपछि जिल्लाका विभिन्न विद्यालयमा सेतो र निलो रंगको विद्यालय पोशाक वितरण गरिने भएको छ। उनले सरकारको यो कदमको प्रशंसा गरे।