१७ नोभम्बरः प्रगति युथ क्लब, मिरिकको तत्त्वावधानमा आयोजित माया मेमोरियल ओपन नक्आउट फूटबल टुर्नामेण्टमा सोरासाले ए-ले रोमाञ्चक जीत हासिल गऱ्यो। मिलन नगर (मिरिक, वार्ड नम्बर ३) खेल मैदानमा बिहीवार भएको म्याचमा सोरासाले ए-ले चेंगा एफसी-लाई १-०-ले पराजित गऱ्यो। विजेता टीमबाट चेतन दियालीले गोल गरे। यस फाइभ ए साइड टुर्नामेण्टमा च्याम्पियन हुने टीमलाई ट्रफीको साथमा ३० हजार रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा २० हजार रुपियाँको नगद पुरस्कार प्रदान गरिनेछ।