नयाँ दिल्ली: पूर्व कप्तान मिताली राजले महिला टी२० वर्ल्ड कपमा राष्ट्रिय टीमको हताशाजनक प्रदर्शनको निम्ति गत ३ सालमा खेलको विभिन्न विभागमा सुधार गर्नमा विफलतालाई जिम्मेवार बताइन्। हरमनप्रीत कौरकी कप्तानीमा भारतीय टीमले पहिलोपल्ट कुनै आईसीसी टुर्नामेण्टमा नक्आउट चरणको निम्ति कालीफाई गर्न सकेन। यसले टीमको वर्ल्ड कप खिताब सपना अधुरै रह्यो। यसको साथै हरमनप्रीतकी कप्तानीमाथि पनि प्रश्न चिन्ह लागेको छ। मितालीले टीमको पतनको निम्ति यूएई-को परिस्थितिहरूसँग तालमेल मिलाउन विफल रहेको साथमा ब्याटरहरूमा स्पष्टताको कमी र खराब क्षेत्ररक्षणलाई दोषी ठहऱ्याइन्। मितालीले अष्ट्रेलियाविरुद्ध म्याचमा हारले भारतीय टीमले गत ३ सालमा कुनै सुधार नगरेको स्पष्ट भएको बताइन्। मितालीले भनिन्, अष्ट्रेलियाविरुद्ध म्याच जित्न सक्ने थियो। हामीसँग मौका पनि थियो तर टीमले पहिला झैँ रणनीति अप्नाएर म्याचलाई फेरि अन्तिम ओभरसम्म तान्यो। यसैकारण दबाउमा टीम हाऱ्यो। यस्तो रणनीति अहिले कारगर हुँदैन। मितालीले भनिन्, यसबाहेक मैले त गत २-३ सालमा यस टीममा कुनै विकास भएको देखिनँ। सर्वश्रेष्ठ टीमलाई पराजित गर्नु तपाईं पनि सर्वश्रेष्ठ तयारीको साथ तयार रहनु पर्छ। हामी ससाना टीमहरूलाई पराजित गरेर त्यसैमा रमाईहेका छौं। यस टुर्नामेण्टमा प्रत्येक टीमले सीमित गहिराईमा पनि विकास देखायो। यसको सबैभन्दा असल उदाहरण दक्षिण अफ्रिका हो। अब टीम म्यानेजमेण्टले आउँदो प्रमुख टुर्नामेण्टहरूलाई ध्यानमा राखेर तेजीको साथ काम गर्नु पर्नेछ।