नयाँ दिल्ली: एफसी बार्सिलोनाका स्टार स्ट्राईकर रोबर्ट लेवाण्डोस्कीको भविष्य अहिले निर्णायक मोड़मा पुगेको लागिरहेको छ। जनवरी ट्रान्सफर विण्डो नजिक आउनको साथै उनको अनुबन्धलाई लिएर चर्चा शुरु भएको छ। जारी सीजनको अन्तमा उनको अनुबन्ध समाप्त भइरहेको छ। यस्तो स्थितिमा के पोल्याण्डका दिग्गज स्ट्राईकरको क्याम्प नोउ-सँगको यात्रा अहिले समाप्ति तर्फ बढ़िरहेको छ भन्ने प्रश्न उठ्न थालेको छ। सूत्रबाट थाहालागे अनुसार, यूरोप बाहिरका क्लबहरूले लेवाण्डोस्कीलाई हासिल गर्नमा विशेष रुचि देखाएको छ। सऊदी प्रो लीग र मेजर लीग सकर (एमएलएस)-का टीमहरूले उनलाई मुख्य लक्ष्य बनाएको छ। सऊदी लीगका केही टीमहरूले उनीसँग सम्पर्क गरेको थाहा लागेको छ। यसरी एमएलएस क्लब शिकागो फायरले पनि शुरुवाती स्तरमा चर्चा शुरु गरेको छ। यसरी ३७ वर्षीय लेवाण्डोस्की अहिले चर्चाको केन्द्र बनेका छन्। यसबीच लेवाण्डोस्की स्वयंले चाहिँ आफ्नो भविष्यलाई लिएर कुनै पनि प्रकारको ठोस फसेला लिनदेखि अस्वीकार गरेका छन्। यसको साथमा अहिले उनी कुनै प्रकारको दबाउमा नरहेको पनि लेवाण्डोस्कीले स्पष्ट गरेका छन्। उनले भने, मसँग फसेला लिनको निम्ति समय रहेको छ। भविष्यमा कहाँ खेल्न चाहनेछु भन्ने अहिले त आफैलाई पनि थाहा छैन। कुन दिशामा जानु पर्नेछ भन्ने थाहा छैन तर ममाथि कुनै दबाउ पनि छैन। उनले यस सीजनको निम्ति आफ्नो लक्ष्य पनि स्पष्ट गरे। लेवाण्डोस्कीले भने, यस सीजनमा म सबैथोक चाहन्छु। वर्ल्ड कपको निम्ति क्वालीफाई गर्नु, लीग जित्नु र च्याम्पियन्स लीग जित्न चाहन्छु। बार्सिलोनाको भित्रको रणनीतिले पनि लेवाण्डोस्कीको समस्या बढ़ाउन सक्छ। उनले यस सीजनमा १८ वटा म्याचमा ८ गोल गरेका छन्। यसरी उनले क्लबको निम्ति समग्रमा १६५ वटा म्याच खेलेर १०९ वटा गोल गरेका छन्। यति सब भएर पनि प्रशिक्षक हान्सी फ्लिकको मार्गदर्शनमा फेरान टोरेसको उत्थानले टीमको आक्रमण सन्तुलन बद्लिएको छ। टोरेसले अहिलेसम्म सबै प्रतियोगिताहरूमा १३ गोल गरिसकेका छन्। बार्सिलोनाले टोरेसको अनुबन्धलाई बढ़ाउने सम्भावना रहेको छ। यसैकारण भविष्यमा लेवाण्डोस्कीलाई रोटेशन रोलमा राखिने संकेत प्राप्त भएको छ। यसको साथमा उनको अनुबन्ध रिन्यू भए पनि वेतनमा कटौतीको सम्भावना छ, जसले उनलाई सऊदी अरब या अमेरिकाबाट प्राप्त भइरहेको प्रस्तावहरूमाथि विचार गर्न वाध्य गर्न सक्छ। यसबीच अंशु फातीको सम्भावित पुनरागमनले बार्सिलोनाको आक्रमण पंक्तिमा भीड़ अझ बढ़्न सक्छ, जसले लेवाण्डोस्कीको भूमिका अझ सीमित बन्नेछ। यसबीच लेवाण्डोस्कीले चाहिँ आफ्नो पूरा ध्यान जारी सीजनमा लगाएका छन्।