लण्डन: टी२० वर्ल्ड कप २०२६ पहिलादेखि नै राजनीति र वहिष्कारको कालो छाँयाले प्रभावित भएको छ अनि अहिले ईंग्ल्याण्डका पूर्व क्रिकेटर नासिर हुसैनको बयानले विवाद अझ बढ़ेको छ। हुसैनले अन्तर्राष्ट्रिय क्रिकेट परिषद (आईसीसी) र भारतीय क्रिकेट कण्ट्रोल बोर्ड (बीसीसीआई)-लाई निशाना बनाउँदै बंग्लादेश र पाकिस्तानको सोचको खुलेर समर्थन गरेका छन्। हुसैनको बयान धेरैलाई पक्षपाती र गैरजिम्मेवारीपूर्ण लागिरहेको छ। स्काई स्पोर्ट्सको पडकास्टमा माइकल अथर्टनसँग कुराकानीको क्रममा हुसैनले आईसीसीले ठूलो अनि विशेषगरी बीसीसीआई जस्तो ठूलो बोर्डसँग नरम व्यवहार गर्ने आरोप लगाए। उनले प्रश्न गरे, कुनै प्रमुख टुर्नामेण्ट अघि भारतले उनीहरूको सरकारले कुनै देशमा खेल्ने अनुमति नदिएको कुरा भनेको भए के आईसीसीले त्यति नै कठोर कदम उठाउने थियो त? उनको यस बयानले आईसीसी र बीसीसीआई दुवैलाई कटाक्ष गरेको छ। हुसैनले अझ भने, बंग्लादेश आफ्नो खेलाड़ीहरूका निम्ति डटेर बसेको देखेर मलाई खुशी लाग्यो। यसबाहेक पाकिस्तानले बंग्लादेशलाई समर्थन गरेको पनि मलाई राम्रो लाग्यो। सबैलाई एउटै कुरा चाहिन्छ, निरन्तरता। बंग्लादेश, पाकिस्तान र भारतसँग एकै थरीको व्यवहार गरिनु पर्छ। शक्तिको साथमा जिम्मेवारी पनि आउँछ। उल्लेखनीय छ, भारतमा म्याच नखेल्ने ढिटमा अडिग रहँदा आईसीसीले बंग्लादेशलाई बाहिर गरेर स्कटल्याण्डलाई टी२० वर्ल्ड कपमा स्थान दिएको छ। त्यसपछि पाकिस्तानले पनि बंग्लादेशलाई समर्थन गर्दै भारतविरुद्ध १५ फरवरीमा खेलिने म्याच वहिष्कार गर्ने फसेला गरेको छ।