नयाँ दिल्ली: फिफा वर्ल्ड कप २०२६ मा हिस्सा लिने टीमहरूमा विदेशी प्रशिक्षकहरूका वर्चस्व रहेको छ। अमेरिका, क्यानाडा र मेक्सिकोको संयुक्त आयोजना हुन लागेको वर्ल्ड कपमा हिस्सा लिने ४८ मध्ये २८ वटा टीम विदेशी प्रशिक्षकको मार्गदर्शनमा खेल्न ओर्लिनेछन्। यसमा केवल २० जना आफ्नै देशका नागरिक छन्। वर्ल्ड कपमा पानामा, दक्षिण अफ्रिका, अष्ट्रिया, कोलम्बिया, डीआर कंगो, पोर्तुगल, उरुग्वे, न्यूजील्याण्ड, तुर्किये, अल्जेरिया, हैती, क्यानाडा, जोर्डन, इक्वेडर, पाराग्वे, अमेरिका, ईंग्ल्याण्ड, बेल्जियम, कतर, इराक, ब्राजील, उज्बेकिस्तान, स्वीडेन, ट्युनिसिया, मोरक्को, घाना, सऊदी अरब र कुरासाओले विदेशी प्रशिक्षक रोजेको छ। यसरी वर्तमान च्याम्पियन अर्जेण्टिनाको साथमा फ्रान्स, क्रोएशिया, जापान, स्कटल्याण्ड, केप भर्डे, नर्वे, स्विट्जरल्याण्ड, नीदरल्याण्ड्स, स्पेन, इरान, जर्मनी, इजिप्ट, आइभरी कोस्ट, बोस्निया एण्ड हर्जेगोभिना, दक्षिण कोरिया, मेक्सिको, अष्ट्रेलिया, सेनेगल र चेक रिपब्लिकले चाहिँ आफ्नै देशका प्रशिक्षकहरूलाई जिम्मेवारी दिएको छ।
वर्ल्ड कपमा प्रशिक्षकका रूपमा सबैभन्दा धेर प्रतिनिधित्व अर्जेण्टिनाबाट हुनेछ। नेस्टर लोरेञ्जो, लियोनल स्कालोनी, मार्सेलो बिएल्सा, सेबास्टियन बेक्काचेचे, गुस्ताभो अल्फारो र माउरिसियो पोचेट्टिनो मिलाए जम्मा ६ जना अर्जेण्टिनाई प्रशिक्षकलाई वर्ल्ड कपमा देखिनेछ। नेस्टरले कोलम्बिया, लियोनलले अर्जेण्टिना, मार्सेलोले उरुग्वे, सेबास्टियनले इक्वेडर, गुस्ताभोले पाराग्वे र माउरिसियोले अमेरिकाको प्रशिक्षण सम्हालिरहेका छन्। अर्जेण्टिनापछि फ्रान्सका पाँच, स्पेनका चार तथा जर्मनी र इटालीका तीन–तीनजना प्रशिक्षक वर्ल्ड कपमा देखिनेछन्।
जर्मनीका मुख्य प्रशिक्षक जुलियन नागेल्समान वर्ल्ड कप २०२६ का सबैभन्दा युवा प्रशिक्षक हुनेछन्। ३८ वर्षीय नागेल्समानले हान्सी फ्लिकलाई प्रतिस्थापन गर्दै २०२४ को यूरो कपमा जर्मनी टीमको मार्गदर्शन गरेका थिए। यो उनको प्रशिक्षकका रूपमा पहिलो वर्ल्ड कप हुनेछ। यसरी कुरासाओलाई इतिहासमै पहिलोपल्ट वर्ल्ड कपमा पुर्‍याउने ७८ वर्षीय डच प्रशिक्षक डिक एड्भोकाट प्रतियोगिताका सबैभन्दा अधिक उमेरको प्रशिक्षक हुनेछन्। प्रशिक्षकका रूपमा उनको यो तेस्रो वर्ल्ड कप हुनेछ। नागेल्समानको जर्मनी र एड्भोकाटको कुरासाओ वर्ल्ड कपको ग्रुप ई-मा रहेको छ अनि यी दुई टीमबीच ह्युस्टन स्टेडियममा भिड़न्त हुनेछ। यस वर्ल्ड कपमा ४८ जना प्रशिक्षकको औसत उमेर ५७.३ वर्ष रहेको छ, जुन कता वर्ल्ड कप २०२२ को तुलनामा ५.४ वर्ष अधिक हो।
वर्ल्ड कप २०२६ मा ओर्लिने ४८ जना प्रशिक्षकमध्ये केवल दुई जनाले यसअघि वर्ल्ड कप खिताब जितेका छन्। फ्रान्सका डिडिएर डेसच्याम्प्स र अर्जेण्टिनाका लियोनेल स्कालोनीले एक–एकपल्ट वर्ल्ड कप जितिसकेका छन्। डेसच्याम्प्सले साल २०१८ मा फ्रान्सलाई च्याम्पियन बनाएका थिए भने स्कालोनीले कतर २०२२ को फाइनलमा फ्रान्सलाई पराजित गरी अर्जेण्टिनालाई खिताब दिलाएका थिए। अब डेसच्याम्प्स र स्कालोनीबीच कसैले २०२६ मा पुनः वर्ल्ड कप जित्न सके उनीहरूले इटलीका भिट्टोरियो पोज्जोको रेकर्डको बराबरी गर्नेछन्। पोज्जो वर्ल्ड कप दुईपल्ट जित्ने एकमात्र प्रशिक्षक हुन्।