नयाँ दिल्ली: फर्मूला वन् र यस खेलको सञ्चालन संस्था फियाले बताएअनुसार, ईरान युद्धसँग जोड़िएको सुरक्षा चिन्ताहरूले गर्दा अप्रेलमा बहरीन र सऊदी अरबमा हुने ग्रां.प्री. रेस हुनेछैन। अमेरिका र इज्रायलले हमला शुरु गरेपछि ईरानले पनि जवाबी कार्वाही शुरु गरेको छ। शंघाईमा चीन ग्रां.प्री. अघि बहरीन र सऊदी अरबमा हुने रेस रद्द गरिएको घोषणा गरियो। एफवन् रेस १२ अप्रेलमा बहरीन र १९ अप्रेलमा सऊदी अरबको शहर जेद्दाममा हुनु थियो। एफवन्-द्वारा जारी बयानमा भनिएको छ, पश्चिम एशिया क्षेत्रमा वर्तमान परिस्थितिहरूले गर्दा बहरीन र सऊदी अरब ग्रां.प्री. अप्रेलमा हुनेछैन। यसबारे अन्य धेरै विकल्पहरूमाथि पनि विचार गरियो तर अन्तमा अप्रेलमा हुने रेसहरूको स्थान बद्लिन नसकिने तय भयो। एफवन्-का अध्यक्ष तथा सीईओ स्टेफानो डोमेनिकालीले भने, यो एउटा मुश्किल फसेला थियो तर दुर्भाग्यले पश्चिम एशियाको वर्तमान स्थितिलाई ध्यानमा राखेर अहिले यही सही फसेला हो। फियाले यी दुईवटा रेस अप्रेलमा नहुने अनि यसको बद्ली अन्य रेस आयोजित गर्न नसकिने पनि स्पष्ट गरेको छ। फियाका अध्यक्ष मोहम्मद बेन सुलेयमले भनेका छन्, फियाले हाम्रो समुदाय, सहकर्मीहरूका सुरक्षा र भलाईलाई सदा अग्रिम पंक्तिमा राख्छ। सावधानीपूर्वक विचार गरेपछि हामीले जिम्मेवारीहरूलाई ध्यानमा राखेर यो फसेला लियौं।