सिलगढी: वनदुर्गा पुजा २६ दिसम्बरमा सम्पन्न हुने उक्त पुजा दिउँसो गर्नको बद्ली राति गरियोस् भन्दै आज वनदुर्गा पुजा कमिटीको तर्फबाट बैकुण्ठपुर डिभिजनको डाबग्राम रेञ्ज अफिसरलाई एउटा ज्ञापन चढायो। प्राप्त जानकारी अनुसार धेरै समय अघिदेखि वनदुर्गाको पुजा रीति-रिवाज अनुसार गर्दै आइरहेको छ। तथापि, पहिला सो पुजा राति गरिन्थ्यो तर कोभिड कालमा प्रतिबन्धको कारण पुजा रातिको बद्ली दिनमै गर्दै आइरहेको छ। यस वर्ष पनि यहीँ निर्देशिका जारी गरिएको छ। परम्परा पालन गर्दै पहिला झैँ रातिको समय पुजा गरियोस् भन्ने आयोजक पक्ष चाहन्छन्। यसैले आज आयोजकहरूले बैकुण्ठपुर डिभिजनको डाबग्राम रेञ्जका अधिकारीलाई एउटा ज्ञापन सुम्पेको छ। यस सम्बन्धमा कुनै जवाब पाएका छैन। धार्मिक भावनाहरूलाई अघि राखेर रातिको समयमै पुजाको आयोजन गरिनुपर्ने आयोजक पक्ष बताउँछन्। यदि आवश्यक परेको खण्डमा मेला बन्द गरियोस्।