​कोलकाता: दिगो विकास, सामुदायिक कल्याण र जिम्मेवार आतिथ्यप्रतिको प्रतिबद्धतालाई निरन्तरता दिँदै नोभोटेल कोलकाता होटल एन्ड रेसिडेन्सले ‘पेडल फर ए पर्पस – साइक्लेथन २०२६’ सफलतापूर्वक सम्पन्न गरेको छ। सफा, स्वस्थ र दिगो भविष्य निर्माणका लागि नागरिकहरूलाई एकजुट गराउने उद्देश्यका साथ आइतबार आयोजना गरिएको यस कार्यक्रममा स्थानीयहरूको उल्लेख्य सहभागिता रहेको थियो।
​कार्यक्रमलाई थप ऊर्जा प्रदान गर्दै चर्चित अभिनेता तथा निर्देशक सत्रजीत सेनले मुख्य अतिथिको रूपमा साइक्लेथनको औपचारिक उद्घाटन गरेका थिए। उनले सहभागीहरूलाई वातावरणमैत्री जीवनशैली अपनाउन र स्वास्थ्यप्रति सचेत रहन प्रेरित गरे। इन्धनबाट चल्ने सवारी साधनको साटो साइकलको प्रयोग बढाएर कार्बन उत्सर्जन घटाउन, इन्धन बचत गर्न र भावी पुस्ताका लागि प्रकृति जोगाउन यो अभियानले महत्त्वपूर्ण योगदान पुर्‍याउने विश्वास लिइएको छ।
​वातावरणीय प्रभावलाई अझ बलियो बनाउन नोभोटेल कोलकाताले प्रत्येक सहभागीको दर्ताबापत एउटा रुख रोप्ने घोषणा गरेको छ। हरेक रोपिने बिरुवाले स्वच्छ र हरियाली वातावरण निर्माणमा योगदान पुर्‍याउनेछ। जलवायु परिवर्तन र सहरी प्रदूषणको चुनौती बढिरहेका बेला दैनिक जीवनमा गरिने साना परिवर्तनले पनि दीर्घकालीन सकारात्मक प्रभाव पार्न सक्छन् भन्ने सन्देश यस साइक्लेथनले दिएको छ।
​यस कार्यक्रममा कर्पोरेट क्षेत्रका प्रतिनिधि, साइक्लिङ क्लब, फिटनेस प्रेमी तथा स्थानीय बासिन्दाहरूको उत्साहजनक सहभागिता रहेको थियो। विधाननगर पुलिस कमिश्नरेट, न्यु टाउन पुलिस स्टेसन, न्यु टाउन ट्राफिक गार्ड, इको पार्क पुलिस स्टेसन र स्पोर्टीज टिमको विशेष सहयोगमा कार्यक्रम सुरक्षित र व्यवस्थित रूपमा सम्पन्न भयो।
​साइक्लेथन नोभोटेल कोलकाताबाट सुरु भई इको पार्क एफिल टावर हुँदै पुनः होटलमै पुगेर समापन भएको थियो। नोभोटेल कोलकाताका महाप्रबन्धक रजनीश कुमारले दिगो विकास होटलको मुख्य जिम्मेवारी भएको उल्लेख गर्दै सहभागी प्रत्येक व्यक्तिको योगदानले वातावरण संरक्षणमा दीर्घकालीन छाप छाड्ने बताए। सहभागीहरूलाई होटलमा स्वास्थ्यवर्द्धक ब्रेकफास्ट, प्रमाणपत्र तथा अन्य सुविधाहरू प्रदान गरिएको थियो।
​सन् २०१४ देखि सञ्चालनमा आएको ३४० कोठासहितको नोभोटेल कोलकाताले उत्कृष्ट सेवाका साथै समुदाय र वातावरणकेन्द्रित विभिन्न सामाजिक कार्यहरू निरन्तर गर्दै आएको छ।