सिलगढी: नॉर्थ बंगाल मेडिकल कॉलेज एंड हॉस्पिटलमा क्रिकेट खेल देखाएको भन्दै एक विद्यार्थीलाई कारण देखाउ नोटिस जारी गरेको छ। यसको विरोधमा अन्य विद्यार्थीले मेडिकल कलेजका डीनलाई घेरा हालेर प्रदर्शन गरेका थिए। उल्लेखनीय छ कि यही महिनाको ९ तारीख भारत र न्युजिल्याण्डबीचको फाइनल क्रिकेट खेल अस्पतालको ४०० लेक्चर थिएटरमा देखाइएको थियो। कलेजका विद्यार्थी डा. सन्नी मन्नालाई कसको अनुमतिमा थिएटर खोलेको भन्दै कारण देखाउ नोटिस पठाएको आरोप छ। अर्कोतर्फ सन्नीले विद्यार्थीसँगै यो खेल प्रदर्शन गर्नका लागि ७ तारीख डिनलाई पत्र बुझाए पनि कुनै प्रतिक्रिया नआएपछि प्रिन्सिपललाई यस विषयमा जानकारी गराएका थिए।

पछि प्रिन्सिपलले फोनबाट उक्त थिएटरमा नाटक देखाउन अनुमति दिनुभयो। तर, सन्नीमाथि अझै किन अपहेलनाको आरोप लगाइँदैछ भन्ने प्रश्न विद्यार्थीहरूले उठाइरहेका छन्। उनीहरु बुधबार दिउँसोदेखि नै डीनको वरिपरि विरोध प्रदर्शन गरिरहेका देखिएका थिए।