काठमाडौं: नेकपा-एमालेका अध्यक्ष केपी शर्मा ओलीले नेकपा-एमाले विभाजनबाट जोगिएको बताएका छन्। ओलीले काठमाडौंमा आयोजित एक कार्यक्रमलाई सम्बोधन गर्दै यो अभिव्यक्ति दिएका हुन्।
ओलीले नेकपा-एमाले पनि कांग्रेस पार्टी जस्तै अवस्थामा रहेको बताए। जसरी अहिले केहीले नेपाली कांग्रेसलाई विभाजन गर्न खोजिरहेका छन्, त्यसरी नै नेकपा-एमालेलाई पनि विभाजन गर्ने प्रयास गरिएको थियो तर ती असफल भएका छन्। पार्टीको महाधिवेशनमा नेतृत्व चयन गरेपछि नेकपा-एमाले एकताबद्ध रहेको उनले दाबी गरे। अध्यक्ष ओलीले प्रधानमन्त्रीको रूपमा आफू सुत्न नसकेको र सधैं सरकारी काममा व्यस्त रहेको पनि बताए।