सिलगढी: आउँदै गरेको निर्वाचनको तयारीबीच सिलगढी थाना क्षेत्रका सादा पोसाकमा रहेका प्रहरीले एक युवकलाई हतियारसहित पक्राउ गरेका छन्।
पक्राउ पर्ने व्यक्तिको पहिचान बर्दवान जिल्लाका बासिन्दा रकी रोय (३१) का रूपमा भएको छ।
स्रोतका अनुसार उक्त युवक सिलगढीको सूर्य सेन पार्क क्षेत्रनजिक शंकास्पद रूपमा हिँडडुल गरिरहेको अवस्थामा फेला परेका थिए। सूचनाको आधारमा प्रहरी घटनास्थलमा पुगेको थियो, उनलाई नियन्त्रणमा लिएर तलासी लिएको थियो। तलासीका क्रममा उनको साथबाट एउटा हतियार र केही राउण्ड गोली बरामद गरिएको थियो।
त्यसपछि उनलाई प्रहरीले पक्राउ गरेको हो। हतियारको स्रोतबारे अधिकारीहरूले अनुसन्धान गरिरहेका छन्।
निर्वाचनअघि भएको यस घटनाले क्षेत्रमा चिन्ताको वातावरण सिर्जना गरेको छ र सुरक्षाका उपायहरू अझ कडा बनाइएको स्रोतहरूले बताएका छन्।