तिहारपछिको तस्बिरले बढाएको चिन्ता​

नयाँ दिल्ली: अमेरिकी अन्तरिक्ष संस्था नासाका ‘वर्ल्डभ्यू’ र ‘मोडिस’ भूउपग्रहले उत्तर भारत र पाकिस्तानमाथि छाएको प्रदूषण र बाक्लो तुवाँलोको तस्बिर कैद गरेका छन्। तिहारको दुई दिनपछि (नोभेम्बर १० मा) लिइएका यी अन्तरिक्ष तस्बिरहरूमा दिल्ली, पन्जाब, हरियाणा, पश्चिमी उत्तर प्रदेशदेखि पाकिस्तानसम्म फैलिएको सिन्धु-गङ्गाको मैदानमाझ धमिलो र बाक्लो तुवाँलोको चादर प्रस्ट देखिएको छ।​नासाको ‘टेरा’ र ‘एक्वा’ भूउपग्रहमा जडित ‘मोडरेट रिजोल्युसन इमेजिङ स्पेक्ट्रोराडियोमिटर'(मोडिस) प्रविधिमार्फत लिइएका यी तस्बिरहरूमा दिल्ली-एनसीआर, उत्तर प्रदेश, राजस्थान, हरियाणा र पन्जाबका भूभागमा वायु प्रदूषणका कारण उत्पन्न ‘स्मोग’ को बाक्लो तह जमेको छ।​अन्तरिक्षबाट लिइएका तस्बिर अनुसार भारतका मध्य र दक्षिणी क्षेत्रमा प्रदूषणको असर उत्तर भारतको तुलनामा केही कम देखिएको छ। राजस्थान र गुजरात जस्ता पश्चिमी राज्यका साथै पूर्वाञ्चलका क्षेत्रहरू धेरै हदसम्म यो बाक्लो धुन्धबाट मुक्त देखिएका छन्।​तिहारका क्रममा पटकाको अत्यधिक प्रयोग, घट्दो तापक्रम र स्थिर हावाका कारण प्रदूषित कणहरू वायुमण्डलको तल्लो तहमा थुप्रेका हुन्। यसका कारण उत्तर भारतका कैयौँ सहरहरूमा वायु गुणस्तर सूचकाङ्क (एक्यूआई) १,००० भन्दा माथि पुगेर सर्वसाधारणको स्वास्थ्यमा गम्भीर जोखिम निम्त्याएको छ।