नाम्ची: नाम्ची बजार तथा छेउछाउ क्षेत्रका मासु दाेकानहरूको आज नाम्ची पुलिस थानाको टोलीद्वारा निरीक्षण गरिएको छ। यो निरीक्षण सिक्किम सरकारको धर्म मामिला विभागद्वारा जारी गरिएको एक महिनासम्मको जनावर वधमा प्रतिबन्धको पालना सुनिश्चित गर्न गरिएको बताइएको छ।
निरीक्षणका क्रममा नाम्ची क्षेत्रका सबै मासु दाेकानहरूले विद्यमान निर्देशनको कडाइका साथ पालन गर्दै बन्द भएको पाइयो। हाल नाम्चीमा केवल माछा दाेकानहरू मात्र खुला र सञ्चालनमा रहेका छन्। जाँचका क्रममा कुनै पनि उल्लङ्घनको घटना फेला परेको छैन।
नाम्ची पुलिसका अनुसार, सूचित अवधि भर निरन्तर पालन सुनिश्चित गर्न नियमित निरीक्षण र आकस्मिक जाँचहरू जारी रहनेछन्।