गान्तोक: मुख्यमन्त्री प्रेमसिंह तामाङ र धर्म विभागीय मन्त्री सोनाम लामाको निर्देशअनुसार धर्म विभागका अधिकारीहरूले आज सलाङ भूमि पूजाको निम्ति बिहारको बुद्ध स्मृति पार्कको भ्रमण गरे। उक्त कार्यक्रम बीटीएमसी बौद्धगयाका सदस्य भान्ते कौनदिलिया र खेम्पो ताम्दिङको उपस्थितिमा सम्पन्न भएको थियो। यस अवसरमा टोलीले बौद्ध स्मृति पार्कका निर्देशक एवं प्रभारी डा. निर्भयासँग भेट गर्दै छोर्तेन थोङवा राङदोलको प्रतिमा टाशीडिङ पार्कमा निर्माण गर्ने प्रस्ताव चढाए।