नयाँ दिल्ली: दिल्लीको एक अदालतले बलिवुडका दिग्गज अभिनेता धर्मेन्द्र र अन्य दुई जनालाई ‘गरम धरम ढाबा’ फ्रान्चाइजीसँग सम्बन्धित ठगी मुद्दामा बोलाएको छ। उजुरीकर्ताका वकिल डीडी पाण्डेले दिल्लीका व्यापारी सुशील कुमारको उजुरीको आधारमा न्यायिक मजिस्ट्रेट यशदीप चहलले ८९ वर्षीय धर्मेन्द्रविरुद्ध यस्तो आदेश दिएको जानकारी दिए। सुशील कुमारले आफूलाई फ्रेन्चाइजमा लगानी गर्न प्रलोभनमा पारेको आरोप लगाएका थिए। न्यायाधीशले ५ दिसम्बरमा दिएको आदेशमा अभियुक्तले अभियुक्तले आफ्नो साझा नियतले उजुरीकर्तालाई लगानी गर्न उक्साएको अभिलेखमा रहेको प्रमाणले पहिलो दृष्टिले देखाएको बताए। अदालतले प्रमाणले ठगीको कसुर खुलाएको बताएको छ। न्यायाधीशले प्रारम्भिक दृष्टिले यो ठगी र आपराधिक षड्यन्त्रको मुद्दा भएको बताए। न्यायाधीशले आरोपीलाई २० फरवरीमा अदालतमा हाजिर हुन निर्देशन दिएका छन्। अभिलेखमा रहेका कागजात ‘गरम धरम ढाबा’सँग सम्बन्धित रहेको र उक्त रेष्टुरेन्टको ‘लोगो’ लेटर अफ इन्टेन्टमा समेत रहेको न्यायाधीशले बताए। अदालतले दुवै पक्षबीचको लेनदेन गरम धरम ढाबासँग सम्बन्धित रहेको र यो लेनदेन अभियुक्त धर्मसिंह देवल (धर्मेन्द्र) का तर्फबाट सहआरोपीले गरेको स्पष्ट भएको बताएको छ। उजुरी अनुसार, अप्रेल २०१८ मा सह-आरोपीहरूले उनको तर्फबाट धर्म सिंह देवल (धर्मेन्द्र)लाई सम्पर्क गरेका थिए र उत्तर प्रदेशको एनएच-२४/३एनएच-९ मा ‘गरम धर्म ढाबा’ को फ्रान्चाइजी खोल्ने प्रस्ताव राखेका थिए। उजुरीकर्ताले दाबी गरे कि उनले सेप्टेम्बर २०१८ मा १७.७० लाख रुपियाँको चेक हस्तान्तरण गरे। उजुरीकर्ताले आरोप लगाएअनुसार यसपछि अभियुक्तले उनलाई जवाफ दिन छोडे।