पाँचघरे स्पोर्टिंग क्लब, अम्बोटियाको तत्त्वावधानमा दोस्रो अम्बोटिया गोल्ड कप फूटबल टुर्नामेण्ट आजदेखि शुरु भयो। पाँचघरे खेल मैदानमा आइतवार भएको उद्घाटन म्याचमा नेपालको न्यू स्टार एफसी, बुद्धशान्ति (झापा)-ले खरसाङको वाईजीएफसी-लाई ३-०-ले पराजित गऱ्यो। टुर्नामेण्टको दोस्रो संस्करणमा जम्मा १२ वटा टीमलाई स्थान दिइएको छ। दुईवटा सेमिफाइनल म्याच २८ र २९ जनवरीमा खेलिनेछ। यसरी नै फाइनल ५ फरवरीमा हुनेछ। यस सेभेन ए साइड टुर्नामेण्टमा च्याम्पियन हुने टीमलाई आकर्षक ट्रफीको साथमा १.५ लाख रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई आकर्षक ट्रफीको साथमा १ लाख रुपियाँको नगद पुरस्कार प्रदान गरिनेछ। यसको साथमा युवा खेलाड़ीहरूलाई मञ्च प्रदान गर्न बोइज अण्डर-१८ फूटबल टुर्नामेण्टको पनि आयोजन गरिनेछ।