सिलगढी: सिलगढी नजिकैको फुलबारीमा नहर रोडमा दिउँसो दुई युवाबीच झगडा भएको थियो। ती मध्ये एक युवक गम्भिर घाइते भई सडकमा लडेका थिए। तिनी चिच्याएको सुनेर स्थानीयवासी घटनास्थल पुगेका थिए ।यो घटना शनिबार दिउँसो सिलगढी फुलबारी २ ग्राम पञ्चायतको पश्चिम धन्तला क्षेत्रमा मार्डर टर्न नजिकै भएको हो।
स्थानीय स्रोतका अनुसार आज दिउँसो दुवै युवक क्यानल रोडमा साइकल चढ्दै गर्दा उनीहरुबीच झगडा भएको हो। एक युवक घाइते भएका छन्। स्थानीयवासी दौडिएपछि अर्का युवक घटनास्थलबाट भागेका थिए। यो जानकारी नयाँ जलपाईगुडी थानाको पुलिसलाई दिइएको थियो।

स्थानीय पुलिसले घटनास्थलमा पुगेर गम्भीर घाइते युवकलाई उपचारका लागि सिलगढी जिल्ला अस्पताल पठाएको छ। घाइते युवकको नाम फुलबारी पूर्वी धन्तला गाउँपालिका निवासी सुशान्त दास बारी रहेको बताइएको छ। पुलिसले सम्पूर्ण घटनाको अनुसन्धान सुरु गरेको छ।