कोचबिहार: तुफानगञ्जको ब्लक नम्बर दुईको बरोकोदली नम्बर एक ग्राम पञ्चायत बन्दरकुठी क्षेत्रमा रहेको तृणमूलको पार्टी कार्यालय, बुथ नम्बर १५६ मा रातको अँध्यारोमा आगो लगाइएको छ। यसका लागि तृणमूल कांग्रेसले भाजपालाई जिम्मेवार ठहर गरेको छ। तर, भाजपाले भने आरोप निराधार भएको दाबी गरेको छ। तृणमूल गुटबीचको विवादका कारण यो घटना भएको भाजपाको दाबी छ। घटनाले स्थानीय क्षेत्रमा सनसनी फैलाएको छ। घटनाको जानकारी पाएलगत्तै बक्सिरहाट थानाको पुलिस घटनास्थल पुगेको थियो। पुलिसले सम्पूर्ण विषयमा अनुसन्धान गरिरहेको छ। तर यो घटनापछि सम्पूर्ण क्षेत्रमा तनाव छाएको छ।