जलपाईगढी: नेपालीमा तिहार एउटा यस्तो विशेषता भनेको कुकुर तिहार होl त्यसै पनि कुकुरको निस्वार्थ इमान्दारी र स्वामीभक्तसित तुलना गर्न सकिँदैन। छेमेकी मुलुक नेपाल र यता भारतको उत्तर बंगाल र सिक्किमको पहाडी क्षेत्रमा तिहारको बेलामा कुकुर तिहार पालन गरिन्छl  यस दिन कुकुरलाई सयपत्री फूलको माला र टिका लगाइदिएर खाना खुवाइन्छ। हिन्दू धर्ममा कुकुरको विशेष महत्व छ। नेपालमा कुकुरलाई मृत्युका देवता यमको दूत मानिन्छ। भनिन्छ कुकुरहरूको विशेष स्थान हुन्छ, स्वर्ग वा नरकको ढोकामा विश्वासी रक्षक रूपमा नियुक्त गरिन्छ। यसबाहेक कुकुरलाई मानिसको सबैभन्दा राम्रो र इमान्दार साथी भनिन्छ। यो पर्व मानिस र कुकुरबीचको आत्मिक सम्बन्धलाई उजागर गर्न र जनावरहरूप्रति मानवजस्तै स्नेह र प्रेमको विकास गर्न मनाइन्छ। यस दिन कुकुरलाई देवताको रुपमा पूजा गरिन्छ। चाहे त्यो घरपालुवा कुकुर होस् वा सडकको कुकुर। प्रत्येक कुकुरलाई सुन्दर ढंगले सिंगारिन्छ। निधारमा फराकिलो रातो तिलक, घाँटीमा फूलको माला, मनपर्ने परिकार तयार गरी खुवाइन्छ।