कोलम्बो: श्रीलंकाका कप्तान दासुन शनाकाले सुपर ८-को म्याचमा न्यूजील्याण्डविरुद्ध पराजित भएर टी२० वर्ल्ड कपबाट बाहिर भएपछि आफ्नो देसवासीहरूसँग माफी मागेका छन्। टुर्नामेण्टको सह-आयोजक श्रीलंकाले बुधवार डू अर डाई म्याचमा न्यूजील्याण्डविरुद्ध ६१ रनले हारको सामना गर्नु पऱ्यो। यसअघि टीमले ईंग्ल्याण्डविरुद्ध पनि ५१ रनले हारको सामना गर्नु परेको थियो। यसले गर्दा पाकिस्तानविरुद्ध म्याच केवल औपचारिकता बनेको छ। म्याचपछि शनाकाले भने, हामीलाई यस हारको धेरै खेद छ। ईंग्ल्याण्डविरुद्ध म्याच पनि हामी जित्न सक्थ्यौं अनि सामान्य बुद्धि लगाएर खेलेको भए आजको म्याच पनि जित्न सक्थ्यौं। यो म्याच एकतर्फी हुन सक्थ्यो। यसैकारण प्रशंसकहरूलाई मेरो भन्नु केही छैन। हामीले उनीहरूलाई खुशी हुने लायक कुनै जीत दिन सकेनौं। अब एउटा म्याच बाँचेको छ अनि कप्तानको रूपमा टुर्नामेण्टमा असल समापन गर्ने आशा गरेको छु। यसको साथमा शनाकाले पीचहरू उनको आशा अनुरूप नरहेको बताए। उने भने, टुर्नामेण्ट शुरु हुन अघि मैले हामीलाई यहाँ असल विकेट हासिल हुने आशा व्यक्त गरेको थिएँ। श्रीलंकासँग जो पनि सर्वश्रेष्ठ ब्याटर छन्, उनीहरू टीममा छन्। घरेलु क्रिकेटबाट ती खेलाड़ीहरूलाई चयन गरियो, जसको स्ट्राईक रेट असल रहेको छ अनि जसमा खेल्ने क्षमता रहेको छ। यहाँ कसैलाई पनि क्रिकेट खेल्न वाध्य गरिएको छैन। हामी पनि देशको निम्ति केही गर्न चाहन्छौं। जे पनि भयो त्यसको निम्ति हामीलाई धेरै खेद छ। कोही हार्न चाहँदैनन्। सबै असल खेल्ने अनि टीमलाई जीत दिलाउने लक्ष्य लिएर मैदानमा ओर्लिन्छन्। कहिले-काहीँ हामी ती ससाना गल्तीहरूले गर्दा म्याच हार्छौं, जसको हामीले कल्पना गरेका हुँदैनौं। यसैकारण हामीलाई पश्चताप छ अनि हामी देशवासीहरूसँग माफी माग्छौं। शनाकाको भनाइअनुसार, केही खेलाड़ीहरूका फिटनेसको स्तर विश्व क्रिकेटको मानकहरू अनुरूप रहेन अनि केही खेलाड़ीहरूका चोटले टीमलाई नोक्सान भयो। उनले भने, हाम्रा लगभग ४-५ जना खेलाड़ी चोटग्रस्त छन्। हामीले आफ्ना सर्वश्रेष्ठ खेलाड़ीहरू गुमाउनु पऱ्यो। यसबाहेक फिटनेसको मामिलामा सम्झौता गर्न सकिँदैन।