कोलकाताः पूर्व बर्दवानको शक्तिगढ़मा फेरि गोलीबारी भएको छ। हतियार बोकेका आक्रमणकारीहरूले एउटा सुनको दोकानलाई बन्दूकको बुतामा लूट्ने प्रयास गरे। सफल नहुँदा मालिकलाई गोली हिर्काइएको छ। घटना शक्तिगढ़को जोतराम नजिकको हो। सुनको दोकान मालिकलाई राष्ट्रिय राजमार्ग संख्या १९ छेउ एक निजी अस्पतालमा भर्ती गराइएको छ। अस्पताल सूत्रहरू अनुसार, घाइते व्यक्तिलाई छात्तीमा गोली लागेको छ, उसको नाम सन्दीप दास बताइएको छ।

प्रत्यक्षदर्शीहरू अनुसार, बाइकमा सवार दुई युवक सुन दोकानमा आए। उनीहरूले कालो प्यान्ट र सेतो शर्ट लगाएका थिए। उनीहरूले कालो चश्मा लगाएका थिए। एक व्यक्ति बाहिर खड़ा थियो। ग्राहकको भेषमा एक अन्य व्यक्ति दोकानमा पस्यो र बन्दूक देखायो। उनीहरूबाट सुन र आभूषण खोस्ने प्रयास गऱ्यो। दोकान मालिकले रोक्दा उनलाई गोली हिर्कायो। शुक्रवार दिउँसो जिल्लाका अतिरिक्त पुलिस अधीक्षक कल्याण सिंह राय घटनास्थलमा पुगेका छन्।

-हिस