राजगञ्ज: सम्पत्तिको लोभले ससुरालाई कुटपिट गरेको ज्वाईं विरूद्ध आरोप उठेको छ। राजगञ्ज थानामा ज्वाईं विरूद्ध एफआईआर दर्ता गरेपछि आरोपीले चम्पट कसेका छन्। यो घटना राजगञ्जको पानीकौरी ग्राम पञ्चायत अन्तर्गत फाटापुकुर संलग्न कावारबाडी इलाकाको हो। प्राप्त जानकारी अनुसार, स्थानीय निवासी तरणी रायले लगभग २५ वर्ष अघि आफ्नो एक मात्र छोरीको विवाह गरेपछि ज्वाईं भयकान्त राय घर ज्वाईँ बस्न थालेका थिए। गत केही वर्षदेखि सम्पत्तिलाई लिएर ज्वाईंले ससुरा तरणी रायमाथि अत्याचार गरेको आरोप रहेको छ। गत सोमवार यो अत्याचार अझ बढेर गयो। तरणी रायका भाई कलिन रायले भने, भाई तरणी रायलाई तिनका ज्वाईले सम्पत्तिको लागि कुटपिट गर्थे। गत दुई दिन पहिला जब यो प्रताड़ना चरममा पुगेपछि अन्तमा राजगञ्ज थानामा यसबारे अभियोग दर्ता गरेको छ। यसपछि पुलिसको डरले ज्वाईं निखोज छन्। ज्वाईं विरूद्ध अभियोग दर्ता गरेपछि डरले गर्दा तिनकी पत्नीले केही बोल्न चाहेको छैन। राजगञ्ज थाना पुलिसले सम्पूर्ण घटनाको जाँच गरिरहेको छ।