नयाँ दिल्ली: भारतीय पुरुष हकी टीमले २३ र २४ अक्टोबरमा मेजर ध्यानचन्द राष्ट्रिय स्टेडियममा जर्मनीसँग २ वटा म्याचको द्विपक्षीय सीरीज खेल्नेछ। हकी इण्डियाले मंगलवार यस्तो घोषणा गऱ्यो। भारतले अन्तिमपल्ट जर्मनीविरुद्ध पेरिस ओलम्पिकको सेमिफाइनलमा खेलेको थियो, जहाँ यूरोपेली टीमले ३-२-ले जीत हासिल गरेको थियो। भारतले पेरिस ओलम्पिकमा स्पेनलाई पराजित गरी काँस्य पदक जितेको थियो। हकी इण्डियाका अध्यक्ष दिलीप तिर्कीले भने, जर्मनीविरुद्ध यो द्विपक्षीय सीरीज विश्व स्तरीय हकीको एउटा उल्लेखनीय प्रदर्शन हुनेछ। भारत र जर्मनी दुवैके खेलमा एउटा समृद्ध इतिहास रहेको छ अनि यस सीरीजले प्रशंसकहरूलाई विश्वका सबैभन्दा मजबूत दुईवटा टीमबीच रोचक प्रतिस्पर्धा हेर्ने मौका दिनेछ। पूर्व भारतीय कप्तानले भने, हामी यस सीरीजको आयोजन गर्न पाउँदा सम्मानित अनुभव गरिरहेका छौं। यसले हकीको भावनालाई मात्र टेवा नपुगेर दुई देशको सम्बन्धलाई पनि मजबूत गर्नेछ।
यसरी हकी इण्डियाका महासचिव भोलानाथ सिंहले भने, भारत-जर्मनी हकी प्रतिद्वन्द्विता सदा रोमाञ्चक रहेको छ। हाम्रा खेलाड़ीहरू एउटा असल टीमसँग प्रतिस्पर्धा गर्न उत्सुक छन्। मेरो विचारममा यस सीरीजले दुवै टीमलाई भविष्यका अन्तर्राष्ट्रिय टुर्नामेण्टहरू अघि आफ्नो कौशल र रणनीतिलाई अझ राम्रो बनाउने मौका दिनेछ। यसरी जर्मन हकी महासंघका अध्यक्ष हेनिंग फास्टरिचले भने, राष्ट्रिय टीम यस चुनौतीको निम्ति तयार छ। हकीको निम्ति भारत सदा विशेष स्थान रहेको छ अनि हाम्रो टीम उत्साही भारतीय प्रशंसकहरू समक्ष खेल्न रोमाञ्चित छ।