नयाँ दिल्ली: भारतीय क्रिकेट टोलीका अनुभवी अलराउण्डर हार्दिक पाण्ड्याको दाहिने पासुलामा फेरि चोट लागेको छ। यसैकारण उनी कम्तीमा ३ हप्तासम्म प्रतिस्पर्धी क्रिकेटबाट बाहिर भएका छन्। अब उनले न्यूजील्याण्डविरुद्ध सीमित ओभरहरूका सीरीजमा पनि खेल्नेछैनन्। यसअघि पाण्ड्या २० सेप्टेम्बरसम्म खेलमा फर्किने तारिख तय गरिएको थियो। यसै अनुसार चयनकर्ताहरूले उनलाई ६ अक्टोबरदेखि शुरु हुने अष्ट्रेलिया ए विरुद्ध आउँदो वनडे सीरीजको निम्ति उनलाई भारत ए टोलीमा चयन गरेका थिए। बीसीसीआईको सेण्टर अफ एक्सीलेन्सका एकजना सीनियर अधिकारीले भनेका छन्, यो दुर्भाग्यपूर्ण कुरा हो कारण हार्दिकको ताजा स्क्यान रिपोर्टमा दाहिने पासुलामा चोट देखिएको छ। उनलाई २ हप्तासम्म सम्पूर्ण आराम गर्ने सल्लाह दिइएको छ। बीसीसीआई मेडिकल प्यानलका प्रमुख डा. दिनशा पार्दीवालाले उनको रिपोर्ट हेरेका छन्। उनले जापानबाट फर्किएपछि हार्दिकको चोटको आकलन गर्नेछन्। त्यसपछि मात्र हार्दिकको पुनर्वास (रिह्याबिलिटेशन)-को तारिख तय हुनेछ। यसरी हार्दिकलाई न्यूजील्याण्डविरुद्ध सीरीजमा देखिने सम्भावना पनि कम्ती नै रहेको छ। भारत र न्यूजील्याण्डबीच टी२० सीरीज २२ अक्टोबरदेखि शुरु हुनेछ। त्यसपछि दुई टोलीबीच वनडे सीरीज पनि खेलिनेछ। वर्तमान स्थितिमा हार्दिक कहिलेसम्म फिट हुनेछन् भन्ने स्पष्ट छैन। उल्लेखनीय छ, अफगानिस्तानविरुदअध टी२० सीरीज शुुरु हुन ठीक अघि हार्दिकलाई फील्डिंग ड्रीलको अवधि घुँड़ाको छेउछाउ पीढ़ा अनुभव भएको थियो। त्यसपछि उनले खेलबाट ब्रेक लिएर केही दिन आराम गर्ने फसेला गरेका थिए। अहिले उनी फिटनेस प्रमाण पत्र हासिल गर्ने तयारीमा रहेको समय फेरि चोट लागेको छ। त्यसपछि स्क्यान रिपोर्टमा उनको चोटको गम्भीरता पत्तो लाग्यो। ३२ वर्षीय हार्दिक आईपीएल समाप्त भएपछि बेंगलुरुमै छन्। गार्डन सिटीमा स्थानान्तरित भएपछि उनले सेण्टर अफ एक्सीलेन्समै अभ्यास गरिरहेका छन्। यसबीच हार्दिकले गत ४ महिनामा कम्तीमा ३ पल्ट नयाँ चोट या समस्याको सामना गर्नु परेको छ। यसले गर्दा उनी पहिला अफगानिस्तानविरुद्ध वनडे, त्यसपछि ईंग्ल्याण्डविरुद्ध टी२० अनि यसपाली अष्ट्रेलिया ए विरुद्ध सीरीजबाट बाहिर भएका छन्।